മലപ്പുറം: കടൽ സുരക്ഷാ സംവിധാനങ്ങളും കടൽ രക്ഷാപ്രവർത്തനങ്ങളും ശക്തിപ്പെടുത്തുന്നതിനായി പരിചയ സന്പന്നരായ മത്സ്യത്തൊഴിലാളികളെ ഉൾപ്പെടുത്തി കടൽ സുരക്ഷാ സ്ക്വാഡുകൾ രൂപീകരിക്കുന്നതിനു എല്ലാ സുരക്ഷാ സംവിധാനങ്ങളുമുള്ള യാനങ്ങളുടെ ഉടമകളിൽ നിന്നു അപേക്ഷകൾ ക്ഷണിച്ചു. പരന്പരാഗത യാനങ്ങളിൽ യാനമുടമയും രണ്ടു തൊഴിലാളികളുമടങ്ങുന്ന ഗ്രൂപ്പുകളായും മെക്കനൈസ്ഡ് വിഭാഗത്തിൽ സ്രാങ്കും ഡ്രൈവറും യാനമുടമയും ഉൾപ്പെടുന്ന ഗ്രൂപ്പുകളായുമാണ് അപേക്ഷിക്കേണ്ടത്. യാനമുടമ മത്സ്യബന്ധനത്തിനു പോകാത്തയാളോ, കടൽ പരിചയമില്ലാത്തയാളോ, യോഗ്യതാമാനദണ്ഡങ്ങളിൽ ഉൾപ്പെടാത്തയാളോ ആണെങ്കിൽ പകരം പരിചയസന്പന്നനായ മത്സ്യത്തൊഴിലാളിയെ ഉൾപ്പെടുത്താവുന്നതും അതു അപേക്ഷയിൽ രേഖപ്പെടുത്തേണ്ടതുമാണ.് ഫിഷറീസ് വകുപ്പ് ജില്ലാ ഓഫീസുകൾ, ഫിഷറീസ് സ്റ്റേഷനുകൾ, മത്സ്യഭവനുകൾ എന്നിവിടങ്ങളിൽ നിന്നു അപേക്ഷാ ഫോറം ലഭിക്കും. അപേക്ഷ നവംബർ 15നകം അതതു ഓഫീസുകളിൽ നൽകണം.