പുൽപ്പള്ളി: കൃപാലയ സ്പെഷൽ സ്കൂളിന്‍റെ നേതൃത്യത്തിൽ വിവേചനത്തിൽ നിന്നും മാനുഷികതയിലേക്ക് എന്ന സന്ദേശമുയർത്തി നിറക്കൂട്ട് 2018 സംയോജിത സഹവാസ ക്യാന്പ് പഞ്ചായത്ത് പ്രസിഡന്‍റ് ബിന്ദു പ്രകാശ് ഉദ്ഘാടനം ചെയ്തു. ക്യാൻവാസ് പെയിന്‍റിംഗ് ഉദ്ഘാടനം മദർ പ്രാവിൻഷ്യാൾ എൽസപൈകട നിർവഹിച്ചു. പഞ്ചായത്ത് വൈസ് പ്രസിഡന്‍റ് കെ.ജെ. പോൾ അധ്യക്ഷത വഹിച്ചു. വിജയൻ കുടിലിൽ, മാത്യൂ മത്തായി ആതിര, പുഷ്പ കലാരാമചന്ദ്രൻ, സണ്ണി തോമസ്, സിസ്റ്റർ ആൻസ് മരിയ, ടി.യു. ഷിബു, ജാബിർ ഷാ വയനാട് എന്നിവർ പ്രസംഗിച്ചു. സഹവാസ ക്യാന്പ് ഭിന്ന ശേഷിക്കാരായ കുട്ടികളെ സമൂഹത്തിന്‍റെ മുഖ്യധാരയിലെത്തിക്കുക എന്ന സന്ദേശത്തിന്‍റെ ഭാഗമായി പുൽപ്പള്ളി മുള്ളൻകൊല്ലി പഞ്ചയത്തുകളിലെ വിവിധ സ്കൂളുകളിൽ നിന്നുള്ള വിദ്യാർഥികളും ക്യാന്പിൽ പങ്കെടുക്കും. ക്യാന്പ് ഇന്ന് സമാപിക്കും
