തൊടുപുഴ : മുട്ടം പോക്സോ കോടതിയോടനുബന്ധിച്ച് ബാല സൗഹൃദ കേന്ദ്രം പ്രവർത്തനം ആരംഭിച്ചു. ബാല സൗഹൃദ സാക്ഷി കേന്ദ്രത്തിന്‍റെ ഉദ്ഘാടനം ഹൈക്കോടതി ജഡ്ജി ദാമ ശേഷാദ്രി നായിഡു നിർവഹിച്ചു. ജില്ലാ സെഷൻസ് ജഡ്ജി മുഹമ്മദ് വസിം അധ്യക്ഷത വഹിച്ചു. പോക്സോ കോടതി ജഡ്ജി പി.സി. പോളച്ചൻ, ജഡ്ജിമാർ, പബ്ലിക് പ്രോസിക്യൂട്ടർ ബി.സുനിൽദത്ത്, പോക്സോ സ്പെഷൽ പ്രോസിക്യൂട്ടർ സന്തോഷ് തേവർകുന്നേൽ, അഡീഷണൽ ഗവ.പ്ലീഡർമാരായ മനോജ്കുര്യൻ, കെ.വി.മാത്യു, ഏബിൾ.സി.കുര്യൻ, എബി.ഡി.കോലോത്ത്, ബാർ അസോസിയേഷൻ പ്രസിഡന്‍റ് ജോർജ് ജേക്കബ്, സെക്രട്ടറി കെ.എൻ.ഷിയാസ്, എന്നിവർ പ്രസംഗിച്ചു.
പോക്സോ കോടതിയോടനുബന്ധിച്ചുള്ള കേരളത്തിലെ രണ്ടാമത്തെ ബാല സൗഹൃദ സാക്ഷി കേന്ദ്രമാണ് മുട്ടത്ത് ഉദ്ഘാടനം ചെയ്തത്. കുട്ടികൾക്ക് വായിക്കാനുള്ള പുസ്തകങ്ങളും കളിപ്പാട്ടങ്ങളും ചിത്രരചന നടത്താനുള്ള ചായങ്ങളും വർണ പെൻസിലുകളും ഉൾപ്പെടെ ഇവിടെ ഒരുക്കിയിട്ടുണ്ട്.
പോക്സോ കോടതിയോടനുബന്ധിച്ചുള്ള കേരളത്തിലെ രണ്ടാമത്തെ ബാല സൗഹൃദ സാക്ഷി കേന്ദ്രമാണ് മുട്ടത്ത് ഉദ്ഘാടനം ചെയ്തത്. കുട്ടികൾക്ക് വായിക്കാനുള്ള പുസ്തകങ്ങളും കളിപ്പാട്ടങ്ങളും ചിത്രരചന നടത്താനുള്ള ചായങ്ങളും വർണ പെൻസിലുകളും ഉൾപ്പെടെ ഇവിടെ ഒരുക്കിയിട്ടുണ്ട്.
