വരാപ്പുഴ: പുത്തൻപള്ളി പള്ളിക്കു സമീപമുള്ള തടിമില്ലിനരികെ യുവാവിനെ മരിച്ചനിലയിൽ കണ്ടെത്തി. വരാപ്പുഴ പുത്തൻപള്ളി തള്ളിയത്തുപറന്പിൽ വേലയുധൻ മകൻ പ്രസാദി (46) ന്റെ മൃതദേഹമാണ് മില്ലിൽ അടുക്കിവച്ചിരിക്കുന്ന തടികൾക്കിടയിൽ ഇന്നലെ ഉച്ചയോടെ കണ്ടത്. മൃതദേഹത്തിനരികിൽ നിന്നു മദ്യക്കുപ്പിയും വിഷക്കുപ്പിയും കണ്ടെത്തിയതായി പോലിസ് പറഞ്ഞു. വരാപ്പുഴ പോലീസ് കേസെടുത്തു. മൃതദേഹം കളമശേരി മെഡിക്കൽ കോളജ് മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റുമോർട്ടത്തിനു ശേഷം ബന്ധുക്കൾക്ക് വിട്ടുകൊടുക്കും. ഭാര്യ: ലത.