ഭാ​ഗ്യ​ല​ക്ഷ​്മി​ക്ക് ഭാ​ഗ്യ​വീ​ട്

വെ​ള്ള​രി​ക്കു​ണ്ട്: കാ​രു​ണ്യ​ത്തി​ന്‍റെ​യും സ്നേ​ഹ​ത്തി​ന്‍റെ​യും മാ​തൃ​ക​യാ​യി ഭാ​ഗ്യ​ല​ക്ഷ​്മി​ക്ക് ഭാ​ഗ്യ​വീ​ട് ഒ​രു​ങ്ങി. കു​ന്നും​കൈ എ​ൽ.​കെ. അ​സൈ​നാ​ർ സ്മാ​ര​ക യു​പി സ്കൂ​ളി​ലെ ഏ​ഴാം​ക്ലാ​സ് വി​ദ്യാ​ർ​ഥി​നി​യാ​യ ഭാ​ഗ്യ​ല​ക്ഷ്​മിക്ക് സ്വ​ന്ത​മാ​യി വീ​ടി​ല്ലാ​യി​രു​ന്നു.

ഇ​തേ​ത്തു​ട​ർ​ന്ന് സ്കൂ​ൾ പി​ടി​എ ക​മ്മി​റ്റി​യും സു​മ​ന​സു​ക​ളും ചേ​ർ​ന്നാ​ണ് ഭാ​ഗ്യ​ല​ക്ഷ​്മി​ക്ക് വീ​ട് നി​ർ​മി​ച്ചു ന​ൽ​കി​യ​ത്.
ഭീ​മ​ന​ടി​യി​ലെ സോ​ണി കാ​ര​യ്ക്ക​ൽ കൂ​വ​പ്പാ​റ​യി​ൽ മൂ​ന്ന് സെ​ന്‍റ് സ്ഥ​ലം വാ​ങ്ങി​ച്ച് ന​ൽ​കി​യ​തോ​ടെ​യാ​ണ് തു​ട​ർ ന​ട​പ​ടി​ക​ൾ വേ​ഗ​ത്തി​ലാ​യ​ത്. വി​ദ്യാ​ർ​ഥി​ക​ൾ കു​ട്ടു​കാ​രി​ക്കു​വേ​ണ്ടി ചെ​റു​തും വ​ല​തു​മാ​യ ന​ല്ലൊ​രു തു​ക സ​മാ​ഹ​രി​ച്ചു. കൂ​ടാ​തെ പൂ​ർ​വ വി​ദ്യാ​ർ​ഥി​ക​ൾ അ​ധ്യാ​പ​ക ര​ക്ഷാ​ക​ർ​തൃ​സ​മി​തി, നാ​ട്ടു​കാ​ർ തു​ട​ങ്ങി സ​മൂ​ഹ​ത്തി​ലെ എ​ല്ലാ​വ​രി​ൽ​നി​ന്നും കി​ട്ടി​യ ആ​റു ല​ക്ഷ​ത്തോ​ളം രൂ​പ ചെ​ല​വി​ലാ​ണ് വീ​ട് പൂ​ർ​ത്തീക​രി​ച്ചി​രി​ക്കു​ന്ന​ത്.

സ്കൂ​ൾ പി​ടി​എ​യു​ടെ ര​ണ്ടാ​മ​ത്തെ വീ​ടാ​ണി​ത്. ഒ​ന്ന​ര വ​ർ​ഷം മു​മ്പ് മ​റ്റൊ​രു കു​ട്ടി​യാ​യ അ​ലീ​ന​യ്ക്കൊ​രു സ്നേ​ഹ​വീ​ട് എ​ന്ന പേ​രി​ൽ വീ​ടു നി​ർ​മി​ച്ചു ന​ൽ​കി​യി​രു​ന്നു. വീ​ടി​ന്‍റെ താ​ക്കോ​ൽ​ദാ​നം അ​ഞ്ചി​നു സ്കൂ​ളി​ൽ​വ​ച്ചു ന​ട​ക്കു​ന്ന ച​ട​ങ്ങി​ൽ പ്ര​ള​യ കെ​ടു​തി​യി​ൽ അ​ക​പ്പെ​ട്ട​വ​രെ ര​ക്ഷ​പ്പെ​ടു​ത്താ​ൻ സ്വ​ന്തം ശ​രീ​രം ച​വി​ട്ടു​പ​ടി​യാ​യി വെ​ച്ചു കൊ​ടു​ത്ത ജെ​യ്സ​ൽ താ​നൂ​ര് നി​ർ​വ​ഹി​ക്കും.

തു​ട​ർ​ന്ന് സ്കൂ​ൾ സ്ഥാ​പ​ക മാ​നേ​ജ​രും മു​ൻ പ​ഞ്ചാ​യ​ത്ത് പ്ര​സി​ഡ​ന്‍റും പ്ര​മു​ഖ സ​ഹ​കാ​രി​യു​മാ​യി​രു​ന്ന എ​ൽ.​കെ. അ​സൈ​നാ​റി​ന്‍റെ ഡോ​ക്യു​മെ​ന്‍റ​റി​യു​ടെ സ്വി​ച്ച്ഓ​ൺ ക​ർ​മ​വും നി​ർ​വ​ഹി​ക്കും. വെ​സ്റ്റ്എ​ളേ​രി പ​ഞ്ചാ​യ​ത്ത് വൈ​സ്പ്ര​സി​ഡ​ന്‍റ് ടി.​കെ.​സു​കു​മാ​ര​ൻ മു​ഖ്യാ​തി​ഥി​യാ​യി​രി​ക്കും. വീ​ടി​ന്‍റെ താ​ക്കോ​ൽ ദാ​ന​ത്തി​നു​ള്ള ഒ​രു​ക്ക​ങ്ങ​ളെ​ല്ലാം പൂ​ർ​ത്തി​യാ​യ​താ​യി ഭാ​ര​വാ​ഹി​ക​ളാ​യ മു​ഖ്യാ​ധ്യാ​പ​ക​ൻ സി.​എം. വ​ർ​ഗീ​സ്, പി​ടി​എ പ്ര​സി​ഡ​ന്‍റ് കെ.​എം.​പ്ര​സാ​ദ്, പ്രോ​ഗ്രാം ചെ​യ​ർ​മാ​ൻ വി​ൻ​സ​ന്‍റ് ത​ലേ​പ്പ​ള്ളി, മ​ാനേ​ജ​ർ എം.​എ.​ന​സീ​ർ എ​ന്നി​വ​ർ അ​റി​യി​ച്ചു.