ആലുവ: കീഴ്മാട് ഗ്രാമപഞ്ചായത്ത് മാലിന്യ നിർമാർജന പദ്ധതി വോളണ്ടിയർമാർക്കുള്ള പരിശീലനപരിപാടി ഇന്ന് രാവിലെ 9.30 ന് തോട്ടുമുഖം എൻകെ ഓഡിറ്റോറിയത്തിൽ നടക്കും. ഒരു വാർഡിൽ 50 വീടിന് രണ്ടുപേരാണ് വോളണ്ടിയർമാർ. ഇവരെക്കൂടാതെ പഞ്ചായത്തംഗങ്ങൾ, ഹരിത കർമ സേനാംഗങ്ങൾ, കുടുംബശ്രീ അംഗങ്ങൾ എന്നിവർ ഈ പരിശീലന പരിപാടിയിൽ പങ്കെടുക്കും. പഞ്ചായത്തിൽനിന്ന് മുഴുവൻ അജൈവ മാലിന്യങ്ങളും നീക്കുന്നതിന് മുന്നോടിയായിട്ടാണ് പരിശീലനം നൽകുന്നത്.