കട്ടപ്പന: കട്ടപ്പന കേന്ദ്രമായി വിമൻസ് ക്ലബ് രൂപീകരിച്ചു. വനിതകൾക്കും കുഞ്ഞുങ്ങൾക്കും അവരുടെ ശാരീരിക, മാനസിക, ബൗദ്ധികതലങ്ങളിൽ പ്രചോദനമായി പ്രവർത്തിക്കുകയാണ് ലക്ഷ്യമെന്ന് ഭാരവാഹികൾ പത്രസമ്മേളനത്തിൽ പറഞ്ഞു. കട്ടപ്പനയിലെ സാമൂഹ്യ സാംസ്കാരിക മാറ്റങ്ങൾ ഉൾക്കൊണ്ടാണ് ക്ലബ് പ്രവർത്തിക്കുന്നത്. അറിവ് സ്നേഹത്തിലേക്കും സ്നേഹം കൂട്ടായ്മയിലേക്കും വളർത്തുന്ന ഒരു അനുഭവമാണ് സംഘടന ഉദ്ദേശിക്കുന്നത്. നാളെ ഉച്ചകഴിഞ്ഞ് മൂന്നിന് കട്ടപ്പന സർവീസ് സഹകരണ ബാങ്ക് ഓഡിറ്റോറിയത്തിൽ നടക്കുന്ന യോഗത്തിൽ പെരിയാർ ടൈഗർ റിസർവ് ഡെപ്യൂട്ടി ഡയറക്ടർ ശിൽപ വി. കുമാർ ക്ലബ്ബിന്റെ ഉദ്ഘാടനം നിർവഹിക്കും. വനിത ഹെൽപ് ലൈൻ കട്ടപ്പന എസ്ഐ കെ.ജെ. ജോഷി മുഖ്യാതിഥിയായിരിക്കും.
പത്രസമ്മേളനത്തിൽ പ്രസിഡന്റ് ആനി ജബ്ബരാജ്, സെക്രട്ടറി റെജി സിബി, ട്രഷറർ ജിജി ജോസ്, വൈസ്പ്രസിഡന്റ് സാലമ്മ സണ്ണി, ജോയിന്റ് സെക്രട്ടറി സെറിൻ ജിനോയി, ഡയറക്ടർമാരായ ലിസി ജോണി, റെജി ശശി, ബിന്ദു സാം, മിനി ജോയി, ചിത്ര ശേഖർ, മഞ്ജു ബിജു എന്നിവർ പങ്കെടുത്തു.
പത്രസമ്മേളനത്തിൽ പ്രസിഡന്റ് ആനി ജബ്ബരാജ്, സെക്രട്ടറി റെജി സിബി, ട്രഷറർ ജിജി ജോസ്, വൈസ്പ്രസിഡന്റ് സാലമ്മ സണ്ണി, ജോയിന്റ് സെക്രട്ടറി സെറിൻ ജിനോയി, ഡയറക്ടർമാരായ ലിസി ജോണി, റെജി ശശി, ബിന്ദു സാം, മിനി ജോയി, ചിത്ര ശേഖർ, മഞ്ജു ബിജു എന്നിവർ പങ്കെടുത്തു.