മാൻഹോൾ, സ്റ്റാൻഡ് അപ്പ് എന്നീ സിനിമകൾക്ക് ശേഷം വിധു വിൻസെന്റ് സംവിധാനം ചെയ്യുന്ന പുതിയ ചിത്രം വൈറൽ സെബിയുടെ ചിത്രീകരണം കോഴിക്കോട് ആരംഭിച്ചു.
ഈജിപ്ഷ്യൻ നടി മിറ ഹമീദ് ആണ് ചിത്രത്തിലെ നായിക. പ്രമുഖ യൂട്യൂബർ സുദീപ് കോശിയാണ് ചിത്രത്തിലെ മറ്റൊരു പ്രധാന കഥാപാത്രം ചെയ്യുന്നത്. ബാദുഷ പ്രൊഡക്ഷൻസിന്റെ ബാനറില് എൻ.എം. ബാദുഷ, മഞ്ജു ബാദുഷ എന്നിവര് ചേര്ന്നാണ് ചിത്രം നിർമിക്കുന്നത്. സജിത മഠത്തിൽ, ആനന്ദ് ബാലകൃഷ്ണൻ എന്നിവരുടേതാണ് ചിത്രത്തിന്റെ തിരക്കഥ. എൽദോ ശെൽവരാജ് ആണ് എക്സിക്യൂട്ടീവ് പ്രൊഡ്യൂസർ.
ഇർഷാദ്, നമിത പ്രമോദ്, സിദ്ധാർഥ് ശിവ, ജോയ് മാത്യു, വെങ്കിടേഷ്, അനുമോൾ, സരസ ബാലുശേരി, നിസ തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
വിനോദ് ഇല്ലമ്പിള്ളി ഛായാഗ്രഹണവും ക്രിസ്റ്റി ചിത്രസംയോജനവും നിർവഹിക്കുന്നു. റഫീഖ് അഹമ്മദിന്റെ വരികൾക്ക് അരുൺ വർഗീസ് ഈണംപകരുന്നു. കോഴിക്കോട്, പാലക്കാട്, വയനാട് എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷൻ.
വിധു വിൻസെന്റിന്റെ റോഡ് മൂവി വരുന്നു
01:26 PM Oct 08, 2021 | Deepika.com