കൊച്ചി: മറൈൻ എൻജിൻ നിർമാണമേഖലയിലേക്കുകൂടി മഹീന്ദ്ര പവറോൾ പ്രവർത്തനം വ്യാപിപ്പിച്ചു. സീഹോക്ക് സീരീസ് എന്നാണ് മാറൈൻ എൻജിൻ ശ്രേണിയുടെ പേര്. 11 വേരിയന്‍റുകളിലായി 24 മുതൽ 300 വരെ എച്ച്പി ശേഷിയുള്ള മറൈൻ എൻജിനുകളും മറൈൻ ജനറേറ്ററുകളും ഇതിൽപ്പെടും. മികച്ച ഇന്ധനക്ഷമത, നൂതന സാങ്കേതികവിദ്യ, മുന്തിയ സുരക്ഷ എന്നിവ ഉറപ്പാക്കുംവിധമാണ് സീഹോക്ക് സീരീസ് എൻജിനുകൾ രൂപകല്പന ചെയ്തിരിക്കുന്നത്. തീരദേശമേഖലയിൽ സജ്ജീകരിച്ചിരിക്കുന്ന, 3എസ് (സെയിൽസ്, സർവീസ്, സ്പെയർസ്) ഡീലർഷിപ്പുകളിൽനിന്ന് എൻജിനുകൾ വേഗത്തിൽ സർവീസ് ചെയ്തു നല്കും.
