ഉയരെ എന്ന ചിത്രത്തിന് ശേഷം ടോവിനോയും സംവിധായകൻ മനു അശോകനും ഒന്നിക്കുന്ന ചിത്രം കാണെക്കാണെ സോണി ലൈവ് പ്ലാറ്റ് ഫോമിലൂടെ സെപ്റ്റംബർ 17നു റിലീസ് ചെയ്യും. സോണി ലൈവ് പ്ലാറ്റ്ഫോമിന്റെ മലയാള സിനിമയിലേക്കുള്ള ആദ്യ ചുവടുവയ്പ്പാണിത്.
ടോവിനോയും ഐശ്വര്യ ലക്ഷ്മിയും മായാനദിയ്ക്ക് ശേഷം വീണ്ടുമൊന്നിക്കുന്ന ചിത്രം കൂടിയാണിത്. ഉയരെയ്ക്ക് ശേഷം മനു അശോകനും ബോബി സഞ്ജയ് ടീമും വീണ്ടും ഒന്നിക്കുന്ന ചിത്രം എന്ന പ്രത്യേകതയുമുണ്ട്.
ഇവർക്കു പുറമേ സുരാജ് വെഞ്ഞാറമൂട്, ശ്രുതി രാമചന്ദ്രൻ, ധന്യ മേരി വർഗീസ്, പ്രേം പ്രകാശ്, റോണി ഡേവിഡ് രാജ്, ബിനു പപ്പു, ശ്രുതി ജയൻ, മാസ്റ്റര് ആലോക് കൃഷ്ണ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
1983, ക്വീന് എന്നീ ചിത്രങ്ങള്ക്ക് ശേഷം ഡ്രീംകാച്ചര് പ്രൊഡക്ഷന്സിന്റെ ബാനറില് ടി ആര് ഷംസുദ്ദീന് നിര്മിക്കുന്ന ചിത്രമാണ് "കാണെക്കാണെ'. വിനായക് ശശികുമാറിന്റെ വരികള്ക്ക് രഞ്ജിന് രാജ് ആണ് സംഗീതം നല്കുന്നത്.
കാണെക്കാണെയുമായി സോണി ലൈവ് മലയാളത്തിലേക്ക്; റിലീസ് 17ന്
05:17 PM Sep 12, 2021 | Deepika.com