'വാരിയന്കുന്നന്' സിനിമയില് നിന്നും സംവിധായകന് ആഷിഖ് അബുവും നടന് പൃഥ്വിരാജ് സുകുമാരനും പിന്മാറിയതിന് പിന്നാലെ സംവിധായകന് ഒമര് ലുലു ബാബു ആന്റണിയും 15 കോടി രൂപയും ഉണ്ടെങ്കില് മറ്റൊരു വാരിയന്കുന്നന് ഇറങ്ങാനുള്ള അവസരമുണ്ടെന്നുള്ള ഫേസ്ബുക്ക് കുറിപ്പുമായി എത്തിയിരുന്നു. എന്നാല് ഇങ്ങനെ ഒരു സിനിമയുടെ ആവശ്യം ഇല്ല എന്ന് സൂചിപ്പിക്കുന്ന പോസ്റ്റുമായി എത്തിയിരിക്കുകയാണ് വീണ്ടും ഒമര് ലുലു.
ECH ഗ്രൂപ്പ് എംഡി മാര്ക്കോണി വിളിച്ച് വാരിയംകുന്നന് നിര്മ്മിക്കാമെന്ന് അറിയിച്ചെന്ന് ഒമര് ലുലു പറയുന്നു. എന്നാൽ 1988 ല് പുറത്തിറങ്ങിയ ടി ദാമോദരന് സ്ക്രിപ്റ്റില് ഐവി ശശിയുടെ സംവിധാനത്തില് ഒരുങ്ങിയ '1921' എന്ന സിനിമയില് ആലി മുസ്ലിയാരും വാഗണ്ട്രാജഡിയും ഖിലാഫത്ത് പ്രസ്ഥാനവും എല്ലാ ഭാഗവും അവതരിപ്പിച്ചിട്ടുണ്ടെന്നും അതിനാല് ഇതില് കൂടുതല് ഒന്നും ആര്ക്കും പറയാന് പറ്റില്ലെന്നണ് ഒമര് ലുലു ഇപ്പോൾ പറയുന്നത്.
പോസ്റ്റിന്റെ പൂർണരൂപം
ഇന്നലത്തെ എന്റെ വാരിയംകുന്നന്റെ പോസ്റ്റ് കണ്ട് ECH ഗ്രൂപ്പ് MD ഇക്ബാൽ മാർക്കോണി വിളിച്ച് വാരിയംകുന്നൻ ഇക്ബാൽക്ക പ്രൊഡ്യൂസ് ചെയ്തോളാം പൈസ നോക്കണ്ട ഒമർ ധൈര്യമായി മുന്നോട്ട് പൊയ്കോളാൻ പറഞ്ഞു.ആ സന്തോഷത്തിൽ ദാമോദരൻ മാഷിന്റെ സ്ക്രിപ്പ്റ്റിൽ ശശ്ശി സാർ സംവിധാനം ചെയ്ത "1921" കുറെ നാളുകൾക്കു ശേഷം വീണ്ടും കണ്ടു കണ്ടപ്പോൾ ഒരു കാര്യം മനസ്സിലായി ഇനി ഒരു വാര്യംകുന്നന്റെ ആവശ്യമില്ല.
ദാമോദരൻ മാഷും ശശ്ശി സാറും കൂടി വാരിയംകുന്നൻ മാത്രമല്ല ആലിമുസ്ലിയാരും വാഗൺ ട്രാജഡിയും ഖിലാഫത്തിന്റെ മുന്നേറ്റം അടക്കം എല്ലാ ഭാഗവും ഭംഗിയായി "1921"ൽ പറഞ്ഞട്ടുണ്ട്.ഇതിൽ കൂടുതൽ ഒന്നും ഇനി ആർക്കും പറയാൻ പറ്റും എന്നും തോന്നുന്നില്ല.കൂടെ നിൽക്കുകയും വിമർശിക്കുകയും ചെയ്ത എല്ലാവർക്കും പോസ്റ്റ് കണ്ട് പ്രൊഡ്യൂസ് ചെയാൻ വന്ന ഇക്ബാൽക്കാക്കും നന്ദി 🙏.
"ഇനി ഒരു വാര്യംകുന്നന്റെ ആവശ്യമില്ല'; 'വാരിയംകുന്നന്' ഉദ്യമത്തിൽ നിന്ന് ഒമർ ലുലു പിന്മാറി
12:36 AM Sep 04, 2021 | Deepika.com