ഇല്ലിച്ചിറയുടെ ഗ്രാമീണ ഭംഗി ഒപ്പിയെടുത്ത സിനിമയുടെ ചിത്രീകരണം പൂർത്തിയായി. ഇല്ലിച്ചിറ ലാലിച്ചൻ സംവിധാനം ചെയ്യുന്ന താരാട്ട് എന്ന സിനിമയുടെ ചിത്രീകരണമാണ് അഞ്ച് ദിവസം കൊണ്ട് പൂർത്തിയാക്കിയത്.
രണ്ട് സിനിമകളിൽ സ്റ്റണ്ട് മാസ്റ്ററായിരുന്ന ഇല്ലിച്ചിറ ലാലിച്ചൻ നിരവധി സിനിമകളിലും വേഷം ചെയ്തിട്ടുണ്ട്. അഞ്ചോളം ഹ്രസ്വചിത്രങ്ങളും സംവിധാനം ചെയ്ത ലാലിച്ചൻ തന്നെയാണ് താരാട്ട് സിനിമയുടെ കഥയും തിരക്കഥയും സംഭാഷണവും.
സിനിമ തോട്ടപ്പള്ളി ഇല്ലിച്ചിറയുടെ ഗ്രാമീണ ഭംഗിയുടെ പശ്ചാത്തലത്തിലാണ് സിനി ഒരുക്കുന്നത്. നിരവധി സിനിമകളിൽ ശ്രദ്ധേയമായ വേഷം ചെയ്ത വെളിയനാട് പ്രമോദാണ് നായകൻ. പുതുമുഖ നടി രേവതിയാണ് നായിക. ഛായാഗ്രഹണം രതീഷ് രാജും ഗാനരചന ആബിയും സംഗീതം നിധിനും നിർവഹിക്കുന്നു. ഒരു കൂട്ടം യുവാക്കളുടെ കൂട്ടായ്മയിൽ പിറവിയെടുക്കുന്ന ചിത്രം അടുത്ത മാസം അവസാനം പ്രദർശനത്തിനെത്തും.
യുവാക്കളുടെ കൂട്ടായ്മയിൽ താരാട്ട് ഒരുങ്ങുന്നു
05:15 PM Aug 19, 2021 | Deepika.com