വാമ എന്റര്ടെയ്ന്മെന്റസിന്റെ ബാനറില് സാക്കിര് അലി നിര്മിച്ച് സിക്കന്ദര് ദുല്ക്കര്നൈന് രചനയും സംവിധാനവും നിര്വഹിച്ച ആയിശ വെഡ്സ് ഷമീര് ജൂലായ് ഒമ്പതിന് ഒടിടി റിലീസിന്.
ഹൈ ഹോപ്സ് എന്റര്ടെയ്ന്മെന്റ്സ്, ഫസ്റ്റ്ഷോസ്, സീനിയ, ലൈംലൈറ്റ്, റൂട്ട്സ്, കൂടെ, എബിസി ടാക്കീസ്, മൂവിവുഡ്, തിയറ്റര്പ്ലേ തുടങ്ങിയ ഒടിടി പ്ളാറ്റ്ഫോമുകളിലൂടെയാണ് ചിത്രം പ്രേക്ഷകസമക്ഷത്തിലെത്തുന്നത്.
നാട്ടിന്പുറത്തിന്റെ നന്മയുള്ള കൂലിപ്പണിക്കാരനായ ഷമീറെന്ന യുവാവിന്റെ ജീവിതത്തിലേക്ക് കടന്നുവരുന്ന രണ്ട് പെണ്കുട്ടികള് അയാളുടെ ജീവിതത്തില് സൃഷ്ടിക്കുന്ന സംഭവ വികാസങ്ങളുടെ കഥയാണ് ആയിശ വെഡ്സ് ഷമീര് എന്ന ചിത്രം പറയുന്നത്.
മന്സൂര് മുഹമ്മദ്, സൗമ്യ മല്ലയ്യ, ശിവജി ഗുരുവായൂര്, വിനോദ് കെടാമംഗലം എന്നിവരോടൊപ്പം ചിത്രത്തിന്റെ നിര്മാതാവ് സാക്കിര് അലി ഒരു സുപ്രധാന വേഷം അവതരിപ്പിക്കുന്നു.
ആയിശ വെഡ്സ് ഷമീര് ഒമ്പതിന്
07:19 PM Jul 04, 2021 | Deepika.com