കണ്ണൻ താമരക്കുളം സംവിധാനം ചെയ്ത പുതിയ ചിത്രമായ ഉടുമ്പ് ഹിന്ദിയിലേക്ക് മൊഴിമാറ്റിയെത്തുന്നു. മാരുതി ട്രേഡിംഗ് കമ്പനിയും സൺ ഷൈൻ മ്യൂസിക്കും ചേർന്നാണ് ഉടുമ്പിന്റെ ഹിന്ദി റീമേക്ക് അവകാശം സ്വന്തമാക്കിയിരിക്കുന്നത്.
മോളിവുഡിൽ ഇതാദ്യമായാണ് ഒരു ചിത്രം റിലീസിന് മുൻപ് തന്നെ മറ്റ് ഇന്ത്യൻ ഭാഷയിലേക്ക് മൊഴിമാറ്റ അവകാശം കരസ്ഥമാക്കുന്നത്. ഈ വർഷം അവസാനത്തോടെ ബോളിവുഡിൽ ചിത്രീകരണം ആരംഭിക്കാനാണ് പദ്ധതിയെന്ന് അണിയറപ്രവർത്തകർ അറിയിച്ചു.
അനീഷ് സഹദേവനും ശ്രീജിത്ത് ശശിധരനും ചേർന്നാണ് ഉടുമ്പിന്റെ തിരക്കഥ ഒരുക്കിയിരിക്കുന്നത്. സെന്തിൽ കൃഷ്ണ, ഹരീഷ് പേരടി, അലൻസിയർ, സാജൽ സുദർശൻ എന്നിവർ മലയാളം പതിപ്പിൽ പ്രധാന വേഷങ്ങളിൽ എത്തുന്നു. പുതുമുഖങ്ങളായ ആഞ്ജലീന ലിവിംഗ്സ്റ്റണും, യാമി സോനയുമാണ് നായികമാർ.
ചിത്രത്തിൽ മൻരാജ്, ബൈജു, മുഹമ്മദ് ഫൈസൽ, ജിബിൻ സാബ്, പോൾ താടിക്കാരൻ, ശ്രേയ അയ്യർ തുടങ്ങിയവരും അഭിനയിക്കുന്നു. 24 മോഷന് ഫിലിംസും കെ.ടി മൂവി ഹൗസും ചേര്ന്നാണ് ചിത്രത്തിന്റെ നിര്മാണം.
രാജീവ് ആലുങ്കൽ, ബി.കെ. ഹരിനാരായണൻ, കണ്ണൻ താമരക്കുളം എന്നിവരുടെ വരികൾക്ക് സാനന്ദ് ജോര്ജ് ഗ്രേസ് ഈണംപകരുന്നു.
ആക്ഷൻ കിംഗ് അർജുൻ മുഖ്യ വേഷത്തിൽ വരുന്ന മലയാളം, തമിഴ് സിനിമ "വിരുന്ന്" ആണ് കണ്ണന്റെ ഇനി ചിത്രീകരണം ആരംഭിക്കാനിരിക്കുന്ന ചിത്രം.