ബോളിവുഡ് താരം യാമി ഗൗതം വിവാഹിതയായി. ‘ഉറി’ എന്ന ചിത്രത്തിലൂടെ ശ്രദ്ധേയനായ സംവിധായകൻ ആദിത്യ ധർ ആണ് വരൻ. സമൂഹമാധ്യമത്തിലൂടെ യാമി തന്നെയാണ് വിവാഹവാർത്ത പുറത്തറിയിച്ചത്. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു വിവാഹം.
"അടുത്ത ബന്ധുക്കള് മാത്രം പങ്കെടുത്ത ചടങ്ങില് ഞങ്ങളുടെ കുടുംബങ്ങളുടെ അനുഗ്രഹത്തോടെ ഇന്ന് ഞങ്ങള് വിവാഹിതരായി. സ്വകാര്യത ആഗ്രഹിക്കുന്ന വ്യക്തികള് എന്ന നിലയില് ഞങ്ങളുടെ ഏറ്റവുമടുത്ത കുടുംബാംഗങ്ങള് മാത്രമാണ് പങ്കെടുത്തത്. സ്നേഹത്തിന്റെയും സൗഹൃദത്തിന്റെയും യാത്രയിലേക്ക് കടക്കുന്ന ഈ വേളയില് നിങ്ങള് ഏവരുടെയും പ്രാര്ഥനകളും ആശംസകളും ആഗ്രഹിക്കുന്നു", യാമി ഗൗതവും ആദിത്യ ധറും സോഷ്യല് മീഡിയയില് കുറിച്ചു
'ഉറി: ദി സര്ജിക്കല് സ്ട്രൈക്കി'ലൂടെ ശ്രദ്ധ നേടിയ സംവിധായകനാണ് ആദിത്യ ധര്. ചിത്രത്തില് യാമി ഗൗതവും ഒരു പ്രധാന കഥാപാത്രത്തെ അവതരിപ്പിച്ചിരുന്നു. പഞ്ചാബി, തെലുങ്ക്, ഹിന്ദി, മലയാളം, തമിഴ്, തെലുങ്ക് ഭാഷാ ചിത്രങ്ങളില് അഭിനയിച്ചിട്ടുണ്ട്. ഹീറോ എന്ന പൃഥ്വിരാജ് ചിത്രത്തിലൂടെ മലയാളികള്ക്ക് സുപരിചിതയാണ് യാമി ഗൗതം.
യാമി ഗൗതം വിവാഹിതയായി; വരൻ സംവിധായകൻ
11:49 PM Jun 04, 2021 | Deepika.com