തന്റെ കുട്ടിക്കാലം മുതല് ബോഡി ഷെയ്മിംഗിന് ഇരയായിട്ടുണ്ടെന്ന് നടി കാര്ത്തിക മുരളീധരന്. സിനിമയിലേക്ക് എത്തിയപ്പോള് ഈ പരിഹാസം എനിക്ക് താങ്ങാന് സാധിക്കുന്നതിനും അപ്പുറമായി. അതോടെ ഞാന് തന്റെ ശരീരത്തെ വെറുത്തു. യോഗയിലൂടേയും ആരോഗ്യകരമായ ഭക്ഷണ ക്രമത്തിലൂടേയുമാണ് താന് ശരീരഭാരം കുറച്ചതെന്നും കാര്ത്തിക വ്യക്തമാക്കുന്നു.
കാര്ത്തികയുടെ കുറിപ്പ് ഇങ്ങനെ...
കുട്ടിക്കാലം മുതല് ഞാന് തടിച്ച ശരീരപ്രകൃതമുള്ള വ്യക്തിയായിരുന്നു. അത് ഞാന് ശ്രദ്ധിക്കുന്നത് രണ്ടാം ക്ലാസില് പഠിക്കുമ്പോഴാണ്. ശരീരഭാരത്തെക്കുറിച്ചുള്ള പരിഹാസം അന്ന് മുതല് വലുതാകുന്നത് വരെ ഞാന് അനുഭവിച്ചതാണ്. കുട്ടിക്കാലത്ത് അതിനെ പ്രതിരോധിക്കാന് ഞാന് വളറെ വിചിത്രമായ പ്രതിരോധമാണ് ശീലിച്ചു പോന്നത്. ഞാന് എന്നെ തന്നെ പരിഹസിച്ചും വെറുത്തുമാണ് അതിനെ ചെറുത്ത് നിന്നത്.
അതിലൂടെ കൂടുതല് ഭാരം വയ്ക്കുകയാണ് ചെയ്തത്. വളരെ അനാരോഗ്യകരമായ സൗന്ദര്യ സങ്കല്പ്പങ്ങളുള്ള ഇന്ഡസ്ട്രിയില് എത്തിയതോടെ രൂക്ഷമായ ബോഡി ഷെയ്മിംഗിനാണ് ഞാന് ഇരയായത്. ഈ പരിഹാസം എനിക്ക് കൈകാര്യം ചെയ്യാന് സാധിക്കുന്നതിനും അപ്പുറമായിരുന്നു. ഞാനും എന്റെ ശരീരവും നിരന്തരം സംഘര്ഷത്തിലായി. ഞാന് യുദ്ധത്തില് തളരാന് തുടങ്ങി.
ഞാന് എങ്ങനെയാണോ അങ്ങനെ എന്നെ സ്വീകരിക്കാന് ലോകത്തെ പറഞ്ഞ് ബോധ്യപ്പെടുത്താന് എനിക്ക് കഴിഞ്ഞില്ല. എന്തിന് എനിക്ക് പോലും എന്നെ ഉള്ക്കൊള്ളാന് കഴിഞ്ഞിരുന്നില്ല. ഒടുവില് യോഗയിലൂടേയും ആരോഗ്യകരമായ ഭക്ഷണ ക്രമത്തിലൂടേയുമാണ് ഞാന് ശരീരഭാരം കുറച്ചെങ്കിലും കുറച്ചത്...
ദുല്ഖര് സല്മാന്റെ നായികയായി സിഐഎ എന്ന ചിത്രത്തിലൂടെ മലയാളസിനിമയില് അരങ്ങേറ്റം കുറിച്ച നടിയാണ് കാര്ത്തിക മുരളീധരന്. മമ്മൂട്ടിക്കൊപ്പം അങ്കിള് എന്ന ചിത്രത്തിലും അഭിനയിച്ചു. എന്നാല് പിന്നീട് കാര്ത്തികയെ സിനിമകളില് ഒന്നും കണ്ടിരുന്നില്ല. അടുത്തിടെ നടിയുടെ മേക്കോവര് ചിത്രങ്ങള് വൈറലായിരുന്നു.
കുട്ടിക്കാലം മുതല് ബോഡി ഷെയ്മിംഗിന് ഇരയായി
05:49 PM May 19, 2021 | Deepika.com