സത്യപ്രതിജ്ഞാ ചടങ്ങു ലളിതമാക്കണമെന്ന് നിർദേശവുമായി സംവിധായകൻ അരുൺ ഗോപി. തങ്ങളാൽ കഴിയുന്ന സഹായം ദുരിതാശ്വാസ നിധിയിലേക്ക് തരുന്നത് രാജ്ഭവനിലെ ലളിതമായ ചടങ്ങിൽ അധികാരത്തിലേറി നമ്മളെ കാക്കുമെന്ന വിശ്വാസത്തിലാണെന്നും അരുൺ ഗോപി സോഷ്യൽ മീഡിയയിൽ കുറിച്ചു.
പോസ്റ്റിന്റെ പൂർണരൂപം
ബഹുമാന്യ മുഖ്യമന്ത്രി...
അങ്ങ് പറയുന്നതെല്ലാം ഞങ്ങൾ അനുസരിക്കുന്നു, വീട്ടിലിരിക്കാൻ പറയുന്നതും!! ഡബിൾ മാസ്ക് ഇടാൻ പറഞ്ഞതും അങ്ങനെ ഓരോന്നും... കാരണം ജീവന്റെ വിലയുള്ള ജാഗ്രത ആവശ്യമാണെന്ന് ഞങ്ങൾ തിരിച്ചറിയുന്നു!! ജീവിതം തിരിച്ചുപിടിച്ചു നേരേ ആക്കാൻ അങ്ങും സർക്കാരും ആതുര പോലീസ് കോവിഡ് സേനകൾ രാപകലില്ലാതെ കഷ്ട്ടപെടുമ്പോൾ ഞങ്ങളാൽ ആകുന്നതു CMDRF ലേക്ക് അയച്ചു കൂടെ കരുത്തു പകരാൻ ശ്രെമിക്കുന്നുമുണ്ട്..!!
പക്ഷെ, ഇതെല്ലാം രാജ്ഭവനിലെ ലളിതമായ ചടങ്ങിൽ അധികാരത്തിലേറി നമ്മളെ കാക്കുമെന്ന വിശ്വാസത്തിലാണ്... ഇനിയും അധികാരത്തിലേറാൻ കഴിയുമെന്ന് വിശ്വാസമുള്ള ഒരു സർക്കാർ സത്യപ്രതിജ്ഞാ ചടങ്ങു ലളിതമാക്കി കാവലാകണം... ഒരു അമിതച്ചിലവും ആർഭാടവും അതുമൂലം ഉണ്ടാകുന്ന രോഗവ്യാപനവും താങ്ങാൻ ഈ ജനതയ്ക്കു ത്രാണി ഉണ്ടാകില്ലെന്ന് അങ്ങ് അറിയുമെന്ന് കരുതുന്നു...!! നല്ല നാളേക്കായി... കരുതലോടെ...!!
ദുരിതാശ്വാസ നിധിയിലേക്കുള്ള സഹായം സത്യപ്രതിജ്ഞാ ലളിതമാക്കുമെന്ന വിശ്വാസത്തിൽ
05:45 PM May 16, 2021 | Deepika.com