മലയാളത്തിന്റെ പ്രിയനടി ഭാവന നായികയായി അഭിനയിക്കുന്ന പുതിയ ചിത്രമാണ് ഇൻസ്പെക്ടർ വിക്രം. വിവാഹത്തിനു ശേഷം ഭാവന അഭിനയിക്കുന്ന ആദ്യചിത്രമാണിത്. കന്നഡ ഭാഷയിൽ ചിത്രീകരിച്ച ഈ ചിത്രം ഇതിനകം കന്നഡയിൽ വലിയ വിജയമാണ് നേടിയിരിക്കുന്നത്. അമ്പതു ദിവസം പിന്നിട്ടിരിക്കുന്ന ഈ ചിത്രത്തിലൂടെ ഭാവനയുടെ രണ്ടാം വരവ് ആഘോഷിക്കുകയാണ് സാൻഡൽവുഡ്. ഏപ്രിൽ രണ്ടിന് ഈ ചിത്രം കേരളത്തിലും പ്രദർശനത്തിനെത്തുന്നു.
ഉദ്വേഗജനകമായ ഒരു പോലീസ് കഥയുടെ പശ്ചാത്തലത്തിൽ പ്രണയവും സസ്പെൻസുമൊക്കെ നിറഞ്ഞ ഒരു ചിത്രം കൂടിയാണ് നരസിംഹൻ സംവിധാനം ചെയ്ത ഇൻസ്പെക്ടർ വിക്രം. പ്രശസ്ത നിർമാതാവ് ഖാദർ ഹസന്റെ ഉടമസ്ഥതയിലുള്ള രേദഖ് ആർട്സ് ആണ് ഈ ചിത്രം കേരളത്തിൽ നിർമിച്ച് പ്രദർശനത്തിനെത്തിക്കുന്നത്.
കന്നഡയിലെ മറ്റൊരു പ്രശസ്ത താരമായ പ്രജ്വൽദേവരാജാണ് മറ്റൊരു താരം. ഇവർക്കു പുറമേ നിരവധി പ്രമുഖ താരങ്ങളും ഈ ചിത്രത്തിലണിനിരക്കുന്നു.
ഭാവന നായികയാകുന്ന ഇൻസ്പെക്ടർ വിക്രം പ്രദർശനത്തിന്
05:27 PM Mar 25, 2021 | Deepika.com