മമ്മൂട്ടിയും പാർവതിയും ഒന്നിക്കുന്ന പുതിയ ചിത്രമാണ് പുഴു. ചിത്രത്തെക്കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ലെങ്കിലും മമ്മൂട്ടിയുടെ കഥാപാത്രത്തെക്കുറിച്ച് സൂചനയുമായി രംഗത്തെത്തിയിരിക്കുകയാണ് നായിക പാർവതി.
പുഴു എന്ന സിനിമയുടെ തിരക്കഥയുടെ തീം തന്നെ തനിക്കൊരു വിന്നറായിരുന്നുവെന്നും അതിന്റെ ഭാഗമാവണം എന്നുള്ളത് തന്നെയായിരുന്നു തന്റെ ഏറ്റവും വലിയ ആവേശമെന്നും പാർവതി പറഞ്ഞു.
മമ്മൂക്ക ഈ ചിത്രം ചെയ്യുന്നുണ്ടെന്ന് പിന്നീടാണ് അറിഞ്ഞത്. അദ്ദേഹം ഏത് വിധത്തിലുള്ള കഥാപാത്രമാണ് ചെയ്യാന് പോകുന്നത് എന്നറിഞ്ഞാല് നിങ്ങള് ഞെട്ടുമെന്നും നടി പറയുന്നു. അത് അത്രത്തോളം അതിശയകരമാണ്. അദ്ദേഹം ഇതുവരെ ചെയ്യാത്ത തരത്തിലുള്ള ഒരു കഥാപാത്രമാണതെന്നും പാർവതി കൂട്ടിച്ചേർത്തു.
താന് വിശ്വസിക്കുന്ന ജെന്ഡര് പൊളിറ്റിക്സിനോടും രാഷ്ട്രീയത്തോടും നീതി പുലര്ത്തുന്നതാണ് പുഴു എന്ന സിനിമയുടെ കഥയും തിരക്കഥയുമെന്നും നടി പറഞ്ഞു.
മമ്മൂക്കയുടെ കഥാപാത്രത്തെ കണ്ടാൽ നിങ്ങൾ ഞെട്ടും
05:18 PM Mar 18, 2021 | Deepika.com