ധ്യാൻ ശ്രീനിവാസൻ, അജു വർഗീസ് എന്നിവരെ കേന്ദ്രകഥാപാത്രങ്ങളാക്കി നവാഗതനായ രാഹുൽ കല്ലു സംവിധാനം ചെയ്യുന്ന പൗഡർ സിൻസ് 1905 എന്ന സിനിമയുടെ ചിത്രീകരണം ഏപ്രിൽ ആദ്യവാരം ആരംഭിക്കുന്നു.
കോഴിക്കോടിന്റെ ഗ്രാമപശ്ചാത്തലത്തിൽ ഇന്നത്തെ പുതിയ തലമുറയുടെ കഥ നർമത്തിന്റെ മേമ്പൊടിയിൽ അവതരിപ്പിക്കുന്ന ചിത്രമാണ് പൗഡർ. അജുവിനും ധ്യാനിനും പുറമേ സൈജു കുറുപ്പ്, സുധീഷ്, ഹരീഷ് കണാരൻ, തങ്കച്ചൻ വിതുര എന്നിവരും ചിത്രത്തിൽ പ്രധാന വേഷങ്ങളിലെത്തുന്നു.
മനാഫിന്റേതാണ് രചന. മനു മഞ്ജിത്തിന്റെ വരികൾക്ക് അരുൺ മുരളീധരൻ ഈണം പകർത്തിരിക്കുന്നു. മുക്കം, തിരുവമ്പാടി ഭാഗങ്ങളിലായി ചിത്രീകരണം ആരംഭിക്കുന്ന പൗഡർ ഫൺ ടാസ്റ്റിക്ക് റിലീസ് ആണ് പ്രദർശനത്തിനെത്തിക്കുന്നത്.
ധ്യാനും അജുവും വീണ്ടും; പൗഡർ ആരംഭിക്കുന്നു
05:15 PM Mar 15, 2021 | Deepika.com