ദൃശ്യം-2ന് അഭിനന്ദനവുമായി ബാഹുബലി സംവിധായകൻ എസ് എസ് രാജമൗലി. ജീത്തു ജോസഫിനെ ഫോണിൽ കൂടി മെസേജ് അയച്ചാണ് രാജമൗലി അഭിനന്ദനം അറിയിച്ചത്. ദൃശ്യം 2 കുറച്ചു ദിവസം മുന്പ് കണ്ടെന്നും തുടർന്നാണ് താൻ ദൃശ്യത്തിന്റെ ആദ്യ ഭാഗം കണ്ടതെന്നും രാജമൗലി പറയുന്നു. സിനിമയിൽ പ്രവർത്തിച്ചവരെല്ലാം വിസ്മയിപ്പിക്കുന്ന പ്രകടനമാണ് കാഴ്ചവച്ചത്.
പക്ഷെ അതിലും മികച്ചത് ചിത്രത്തിന്റെ തിരക്കഥയാണ്. അത് ലോകോത്തര നിലവാരം പുലർത്തുന്നതാണ്. ഇത്തരം മാസ്റ്റർപീസുകൾ ഇനിയും താങ്കളിൽ നിന്നു പ്രതീക്ഷിക്കുന്നെന്ന് പറഞ്ഞാണ് രാജമൗലി കുറിപ്പ് അവസാനിപ്പിക്കുന്നത്. രൗജമൗലിയുടെ മെസേജിന്റെ സ്ക്രീൻ ഷോട്ട് ജീത്തുജോസഫ് സമൂഹമാധ്യമങ്ങളിൽ പങ്കുവച്ചിട്ടുണ്ട്.
Thank you Rajamouli sir... I am honored...you made my day.
Posted by Jeethu Joseph on Saturday, 13 March 2021