മുകേഷും ദുൽഖർ സൽമാനും ഒന്നിച്ച ചിത്രമാണ് ജോമോന്റെ സുവിശേഷങ്ങൾ. ചിത്രത്തിൽ ദുൽഖറിന്റെ അച്ഛന്റെ കഥാപാത്രത്തെയാണ് മുകേഷ് അവതരിപ്പിച്ചത്. ഇപ്പോഴിതാ ചിത്രത്തിന്റെ സെറ്റിൽ വച്ച് ദുൽഖർ തന്നെ ഞെട്ടിച്ചെന്ന് വെളിപ്പെടുത്തിയിരിക്കുകയാണ് മുകേഷ്.
പുതിയ അഭിനേതാക്കള് മുതിർന്ന താരങ്ങളിൽ നിന്നും അകന്നുനില്ക്കാനാണ് ശ്രമിക്കുന്നതെന്നും എന്നാല് അക്കാര്യത്തില് തന്നെ ഞെട്ടിച്ചത് ദുല്ഖര് സല്മാനാണെന്നും മുകേഷ് പറഞ്ഞു. പടത്തിന്റെ സെറ്റില് താനും ഇന്നസെന്റും സംസാരിച്ച് ഇരുന്നപ്പോള് ഒരു കസേരയെടുത്തിട്ട് ഒരു മടിയും കൂടാതെ ദുല്ഖറും കൂടെകൂടിയെന്നും അദ്ദേഹം കൂട്ടിച്ചേർത്തു.
"ഞങ്ങൾ പറയുന്ന ഓരോ തമാശകള് കേട്ട് ദുല്ഖറും, ദുല്ഖര് പറഞ്ഞ കാര്യങ്ങള് കേട്ട് ഞങ്ങളും ചിരിച്ചു. അങ്ങനെ ഞങ്ങള് മൂന്ന് പേരും തമ്മില് നല്ല സിങ്കായി..' - മുകേഷ് പറയുന്നു.
അന്ന് ദുൽഖർ എന്നെ ഞെട്ടിച്ചു: മുകേഷ്
04:18 PM Mar 10, 2021 | Deepika.com