"കഥകള് ചൊല്ലിടാം' എന്ന ഗാനത്തിനായി വീഡിയോ എടുക്കാൻ 12 പേരോട് ആവശ്യപ്പെട്ടിരുന്നെന്ന് സംവിധായകൻ അൽഫോൺസ് പുത്രൻ. എന്നാൽ തന്നെ വിശ്വസിച്ചു, തന്റെ പാട്ടിനെ വിശ്വസിച്ചു കൂടെ നിന്നതു അഞ്ച് പേർ മാത്രമാണ്. അവരവരുടെ വീഡിയോസ് എടുത്തത് അവർ തന്നെയാണെന്നും അൽഫോൺസ് പുത്രൻ ഫേസ്ബുക്കിൽ കുറിച്ചു. വിനീത് ശ്രീനിവാസൻ എഴുതി പാടിയിരിക്കുന്ന ഗാനരംഗത്തിൽ കുഞ്ചാക്കോ ബോബനും മകനും വിനീത് ശ്രീനിവാസനും മക്കളും ഷറഫുദ്ദീനും മക്കളും വിനയ് ഫോര്ട്ടും മകനും കൃഷ്ണശങ്കറും മക്കളുമാണ് അഭിനയിച്ചിരിക്കുന്നത്.
നേരം, പ്രേമം എന്നീ സിനിമകൾക്ക് ശേഷം അൽഫോൺസ് പുത്രൻ ഒരുക്കുന്ന പുതിയ സിനിമയായ പാട്ട് പുറത്തിറങ്ങാനിരിക്കുകയാണ്. 5 വര്ഷത്തോളം അദ്ദേഹം സംഗീതപഠനത്തിലായിരുന്നു. പാട്ട് എന്ന സിനിമയ്ക്കുവേണ്ടിയാണ് അദ്ദേഹം സംഗീതം പഠിച്ചത്. സിനിമയിൽ സംഗീത സംവിധാനം നിർവ്വഹിക്കുന്നതും അൽഫോൺസ് പുത്രൻ തന്നെയാണ്.
ഫേസ്ബുക്ക് പോസ്റ്റിന്റെ പൂർണരൂപം
ഈ കാര്യം പറയാൻ വിട്ടു പോയി . കഥകൾ ചൊല്ലിടാം എന്ന പാട്ടിന്റെ വീഡിയോ ചെയ്യാൻ വേണ്ടി പറഞ്ഞപ്പോ എല്ലാവരും നല്ല ഉഷാറായാണ് ചെയ്തത്. വിനീത് ലിറിക്സ് എഴുതുകയും പാടുകയും ചെയ്തത് കൊണ്ട് ഞാൻ വീണ്ടും വീഡിയോ എടുക്കാൻ നിർബന്ധിച്ചില്ല. ടോട്ടൽ എനിക്ക് കിട്ടിയ വീഡിയോസ് ഇത്രയാണ്.
Kunchacko Boban - 31 shots, Vineeth Sreenivasan - 98 videos (Personal), Krishna Sankar - 162 shots, Vinay Forrt - 86 shots , & Sharaf U Dheen - 36 shots .
ഞാൻ Direction എന്ന് പേര് വെച്ചെങ്കിലും അവരവരുടെ വീഡിയോസ് എടുത്തത് അവർ തന്നെയാണ്. എല്ലാർക്കും final വീഡിയോ അയച്ചു കൊടുത്തെങ്കിലും ആരും പേര് വെക്കാൻ ആവശ്യപ്പെട്ടില്ല. അതുകൊണ്ടു ഞാനും അത് ശ്രദ്ധിച്ചില്ല. ഇത് ടീവിയിൽ വരുമ്പോ ഞാൻ അവരവരുടെ പേരുകൾ ചേർത്ത് ഇറക്കാൻ നോക്കാം. അവരോടു ഫോൺ വിളിച്ചു പറഞ്ഞാ മതി ഇത്...പക്ഷെ അവർക്ക് കിട്ടേണ്ട പേര് അവർ ആവശ്യപെട്ടിലെങ്കിലും ഇട്ടുകൊടുക്കണമെന്നാണ് എനിക്ക് തോന്നിയത്. അതുകൊണ്ടാണ് ഇത് പബ്ലിക് ആയിട്ട് പറയുന്നേ ! ! ! !
Note : 12 പേരോട് വീഡിയോ എടുക്കാൻ ആവശ്യ പെട്ടെങ്കിലും, എന്നെ വിശ്വസിച്ചു, എന്റെ പാട്ടിനെ വിശ്വസിച്ചു കൂടെ നിന്നതു ഇവര് 5 പേര് മാത്രമാണ്.
അഞ്ച് പേർ മാത്രമാണ് എന്നെ വിശ്വസിച്ചത്: അൽഫോൻസ്
07:56 PM Mar 07, 2021 | Deepika.com