മമ്മൂട്ടിയെ നായകനാക്കി സിദ്ദിഖ് ഒരുക്കിയ ചിത്രമാണ് ഹിറ്റ്ലർ. അഞ്ച് പെങ്ങന്മാരുടെ ആങ്ങളയായി മമ്മൂട്ടി എത്തിയ ചിത്രം വൻവിജയമായിരുന്നു.
ഇപ്പോഴിതാ മമ്മൂട്ടി അഡ്വാന്സ് പോലും വാങ്ങാതെ അഭിനയിച്ച സിനിമയാണ് ഹിറ്റ്ലര് എന്ന് വെളിപ്പെടുത്തിയിരിക്കുകയാണ് സംവിധായകൻ സിദ്ദിഖ്. പടം റിലീസായി കഴിഞ്ഞാണ് മമ്മൂട്ടിയും മുകേഷും പ്രതിഫലം വാങ്ങിയതെന്നും അദ്ദേഹം കൂട്ടിച്ചേർത്തു.
"മറ്റു പല ഭാഷകളിലേക്കും ഹിറ്റ്ലര് റീമേക്ക് ചെയ്തു. തെലുങ്കില് ചിരഞ്ജീവിയും, തമിഴില് സത്യരാജും, ഹിന്ദിയില് സുനില് ഷെട്ടിയുമായിരുന്നു നായകന്മാര്. ചിരഞ്ജീവി ഇടവേളയ്ക്ക് ശേഷം ചെയ്ത ചിത്രമായിരുന്നു. വലിയ ഹിറ്റുമായിരുന്നു. പക്ഷേ മമ്മുക്കയുടെ ഹിറ്റ്ലറാണ് എനിക്കിഷ്ടം. പ്രേക്ഷകര്ക്കും അങ്ങനെയായിരിക്കും എന്ന് ഉറപ്പാണ്.' -സിദ്ദിഖ് പറയുന്നു..
ആ ചിത്രത്തിന് മമ്മൂട്ടി അഡ്വാൻസ് പോലും വാങ്ങിയില്ല, പ്രതിഫലം വാങ്ങിയത് റിലീസ് കഴിഞ്ഞ്
04:20 PM Feb 10, 2021 | Deepika.com