ചാൾസ് ജോസഫ് സംവിധാനം ചെയ്യുന്ന പുതിയ ചിത്രമായ സമാറയിൽ റഹ്മാന്റെ നായികയായി വിവിയ ശാന്ത്. റഹ്മാന്റെ ഭാര്യയായി ഹണി എന്ന നായികാ കഥാപാത്രത്തെയാണ് വിവിയാ ശാന്ത് അവതരിപ്പിക്കുന്നത്. ഹിമാചൽ പ്രദേശ്, കാഷ്മീർ എന്നിവിടങ്ങളിലായി ചിത്രീകരണം പുരോഗമിക്കുകയാണ്.
മോഡലിംഗ് രംഗത്തു നിന്നും സിനിമയിലേക്ക് ചുവടു വെച്ച വിവിയ മലയാളത്തിൽ ഇട്ടിമാണി മെയ്ഡ് ഇൻ ചൈന, വിജയ് സൂപ്പറും പൗർണമിയും എന്നീ സിനിമകളിലൂടെയാണ് ശ്രദ്ധേയയായത്.
മലയാളം കൂടാതെ തമിഴ്, തെലുങ്ക് ചിത്രങ്ങളിലും വിവിയ സാന്നിധ്യമറിയിച്ചിട്ടുണ്ട്. തമിഴിൽ ഭരത്തിന്റെ നായികയായി "6 അവേഴ്സ് ', തെലുങ്കിൽ നായികാ പ്രാധാന്യമുള്ള "അംഗുലീയം' എന്നീ സിനിമകൾ പൂർത്തിയായി കഴിഞ്ഞു.
സമാറയിൽ റഹ്മാന്റെ നായികയായി വിവിയാ ശാന്ത്
11:38 AM Feb 04, 2021 | Deepika.com