സുരേഷ് ഗോപിയെ നായകനായ "ഒറ്റക്കൊമ്പന്റെ' ചിത്രീകരണം ആരംഭിക്കുന്നു. സുരേഷ് ഗോപിയും ചിത്രത്തിന്റെ നിര്മ്മാതാവ് ടോമിച്ചന് മുളകുപാടവുമാണ് സോഷ്യല് മീഡിയയിലൂടെ ഇക്കാര്യം അറിയിച്ചത്.
"ഇന്നലെ മകരദീപം തെളിഞ്ഞു. എല്ലാവരുടെയും അനുഗ്രഹാശംസകളോടെ ഒറ്റക്കൊമ്പന്റെ തേരോട്ടം തുടങ്ങുന്നു!" എന്നാണ് സുരേഷ് ഗോപി സോഷ്യൽ മീഡിയയിൽ കുറിച്ചത്. "തിയറ്ററുകള് വീണ്ടും തുറന്ന, ഇന്ഡസ്ട്രിക്ക് അതിന്റെ ജീവശ്വാസം തിരികെ ലഭിച്ച ഈ സന്ദര്ഭത്തില് സുരേഷ് ഗോപി നായകനാവുന്ന എന്റെ സ്വപ്ന പദ്ധതി ഒറ്റക്കൊമ്പന് ആരംഭിക്കാനുള്ള എല്ലാ ഒരുക്കങ്ങളും പൂര്ത്തിയായതായി അറിയിക്കുന്നു. ദൈവാനുഗ്രഹത്താല് സിനിമയുടെ ഷൂട്ടിംഗ് ഉടന് ആരംഭിക്കും", ടോമിച്ചന് മുളകുപാടം ഫേസ്ബുക്കില് കുറിച്ചു.
ഒപ്പം പങ്കുവച്ചിരിക്കുന്ന ചിത്രത്തില് കഥാപാത്രത്തിന്റെ ഗെറ്റപ്പിലാണ് സുരേഷ് ഗോപി. സുരേഷ് ഗോപിയുടെ 250-ാം ചിത്രമാണ് "ഒറ്റക്കൊമ്പന്'. ചിത്രത്തിനുവേണ്ടി പാലാ ജൂബിലി തിരുന്നാളിന്റെ ദൃശ്യങ്ങൾ ചിത്രീകരിച്ചിരുന്നു. നവാഗതനായ മാത്യൂസ് തോമസാണ് ചിത്രം സംവിധാനം ചെയ്യുന്നത്.
"ഒറ്റക്കൊമ്പന്റെ തേരോട്ടം തുടങ്ങുന്നു'; വിശേഷം പങ്കുവച്ച് സുരേഷ് ഗോപി
09:52 PM Jan 15, 2021 | Deepika.com