സിനിമയിലേക്കെത്താൻ സഹിച്ച ബുദ്ധിമുട്ടുകൾ പങ്കുവച്ച് സംവിധായകൻ റോഷൻ ആൻഡ്രൂസ്. ജീവിതത്തിലെ വലിയ സ്വപ്നമായിരുന്നു സിനിമയെന്നും എന്നാൽ അവിടേക്കുള്ള യാത്ര എളുപ്പമായിരുന്നില്ലെന്നും അദ്ദേഹം പറയുന്നു.
"ഇൻഡസ്ട്രിയിലെ ഒരാളെയും എനിക്ക് അറിയില്ലായിരുന്നു. കൊച്ചിയിൽ ഷൂട്ടിംഗ് നടക്കുന്പോൾ കാണികളിലൊരാളായി സ്ഥാനം പിടിക്കുമായിരുന്നു. മണിച്ചിത്രത്താഴിന്റെ ഷൂട്ടിംഗ് തൃപ്പൂണിത്തുറ ഹിൽപാലസിൽ നടക്കുന്പോൾ രാവിലെ മുതൽ വൈകുന്നേരം വരെ അവിടെ നോക്കിനിന്നിട്ടുണ്ട്.
വർഷത്തിൽ രണ്ട് ബുധനാഴ്ചകളിൽ അവസരത്തിനായി കമൽസാറിന്റെ വീട്ടുമുറ്റത്ത് പോയി നിൽക്കാറുണ്ടായിരുന്നു. അങ്ങനെ ഒരുപാട് സംവിധായകരെ കാത്തുനിന്നിട്ടുണ്ട്. ചില സിനിമകളിൽ അസിസ്റ്റന്റ് ഡയറക്ടറായി അവസരം കിട്ടാൻ രാവും പകലുമില്ലാതെ ജോലി ചെയ്തിട്ടുണ്ട്.'- റോഷൻ ആൻഡ്രൂസ് പറയുന്നു.
അവസരത്തിനായി അദ്ദേഹത്തിന്റെ വീട്ടുമുറ്റത്ത് പോയി നിന്നിട്ടുണ്ട്
04:16 PM Jan 06, 2021 | Deepika.com