കാളിദാസന്റെ അഭിജ്ഞാന ശാകുന്തളം വീണ്ടും സിനിമയാവുകയാണ്. ഈ ചിത്രത്തിൽ ശകുന്തളയാവുക നടി സാമന്തയാണ്. ഗുണശേഖർ ആണ് ശാകുന്തളം വീണ്ടും സിനിമയാക്കുന്നത്.
തെലുങ്ക് ഭാഷയിലൊരുങ്ങുന്ന ചിത്രത്തിന്റെ മോഷൻ പോസ്റ്റർ കഴിഞ്ഞ ദിവസം അണിയറ പ്രവർത്തകർ പുറത്തു വിട്ടു. റാണ ദഗ്ഗുബട്ടിയെ നായകനാക്കി ഹിരണ്യകശിപു എന്നൊരു ചിത്രവും ഗുണശേഖർ പ്രഖ്യാപിച്ചിട്ടുണ്ട്. എന്നാൽ ഈ സിനിമ മുന്നോട്ട് പോയില്ലെന്നാണ് റിപ്പോർട്ടുകൾ പറയുന്നത്.
നേരത്തെ അനുഷ്ക ഷെട്ടിയെ നായികയാക്കി രുദ്രമാദേവി എന്ന സൂപ്പർ ഹിറ്റ് ഒരുക്കിയത് ഗുണശേഖറായിരുന്നു. അതേസമയം ഈ വർഷം അവസാനത്തോടെയാകും ശാകുന്തളം ചിത്രീകരണം ആരംഭിക്കുക. പാൻ ഇന്ത്യൻ സിനിമയായിരിക്കും ശാകുന്തളം.
മണി ശർമ്മയാണ് സംഗീതം നിർവഹിക്കുന്നത്. സാമന്ത ശകുന്തള ആകുന്പോൾ ആരായിരിക്കും ദുഷ്യന്തനാവുക എന്നാണ് ആരാധകർ ചോദിക്കുന്നത്.
സാമന്ത ഇനി ശകുന്തള
03:19 PM Jan 06, 2021 | Deepika.com