മഞ്ജു വാര്യർ എന്ന നടിയുടെ അഭിനയമികവിൽ ആർക്കും സംശയമില്ല. ഒരിക്കൽ ഒരു അഭിമുഖത്തിൽ നടൻ തിലകൻ മഞ്ജുവിനെക്കുറിച്ച് പറഞ്ഞത് മഞ്ജു ഒരു അപകടകാരിയായ അഭിനേത്രിയാണെന്നും മഞ്ജുവിനൊപ്പമുള്ള അഭിനയം തനിക്കൊരു വെല്ലുവിളിയായി തോന്നിയിട്ടുണ്ടെന്നുമാണ്.
അതുകൊണ്ടുതന്നെ കണ്ണെഴുതി പൊട്ടും തൊട്ടു എന്ന ചിത്രത്തിലെ ചിത്രീകരണസമയത്ത് തന്റെ സീനുകൾ ഇല്ലാതിരുന്നപ്പോൾ പോലും താൻ മഞ്ജുവിന്റെ അഭിനയം കാണാൻ ലൊക്കേഷനിൽ എത്തുമായിരുന്നെന്നും തിലകൻ പറഞ്ഞിരുന്നു.
ഇത്തരത്തിൽ മഞ്ജു വാര്യർക്കൊപ്പം അഭിനയിച്ചപ്പോൾ ഉണ്ടായ തന്റെ അനുഭവം നടനും സംവിധായകനുമായ ലാൽ ഒരിക്കൽ തുറന്നു പറഞ്ഞിരുന്നു.
ഒരു ചിത്രത്തിൽ അഭിനയിക്കുന്പോൾ കൂടെ അഭിനയിക്കുന്ന ആളിനേക്കാൾ തന്റെ അഭിനയം നന്നാക്കണമെന്ന ചിന്ത ഉണ്ടാകാറുണ്ട്. എന്നാൽ അതൊരു മത്സരമല്ല.എതിരേ ഒരാൾ വരുന്പോൾ സ്ട്രോംഗായി പിടിച്ചുനിൽക്കാനുള്ള ഒരു ചിന്തയാണത് .
എന്നാൽ ഒരിക്കൽ മാത്രം ഒരാളുടെ ഒപ്പമെങ്കിലും അഭിനയിക്കുന്പോൾ ടെൻഷൻ ഉണ്ടായിട്ടുണ്ടെങ്കിൽ അത് മഞ്ജുവിനൊപ്പം കന്മദം എന്ന ചിത്രത്തിൽ അഭിനയിക്കുന്പോഴായിരുന്നു. ആദ്യമായിട്ടാണ് ഒരാളുടെയൊപ്പം അഭിനയിച്ചപ്പോൾ എന്റെ കൈകൾ വിറച്ചത്. അഭിനയം നോക്കി നിന്നുപോയി- ലാൽ പറഞ്ഞു.
ആദ്യമായിട്ടാണ് ഒരാളുടെയൊപ്പം അഭിനയിച്ചപ്പോൾ എന്റെ കൈകൾ വിറച്ചത്
04:28 PM Jan 01, 2021 | Deepika.com