ശരാശരി പ്രവാസിയുടെ പ്രാരാബ്ധങ്ങളുടെയും പ്രശ്നങ്ങളുടെയും നേർക്കാഴ്ചയൊരുക്കുന്ന ഹ്രസ്വചലച്ചിത്രം ഭാണ്ഡം പ്രദർശനത്തിനൊരുങ്ങുന്നു.
സൗദി അറേബിയയുടെ കിഴക്കൻ പ്രവിശ്യയിലെ ദമാം- അൽ കോബാറിൽ നിന്നുമാണ് പ്രവാസിയുടെ മനോനിലയിലൂടെ കടന്നുപോകുന്ന ഈ ചിത്രമൊരുങ്ങിയത്. പൂർണമായും സൗദിയിൽ തന്നെ ചിത്രീകരിച്ചിരിക്കുന്ന ചിത്രത്തിലെ അണിയക്കാരും അഭിനേതാക്കളുമെല്ലാം പ്രവാസി മലയാളികളാണ് എന്നതാണ് പ്രധാന സവിശേഷത.
ഷിബിൻ ആറ്റുവ ആണ് രചനയും സംവിധാനവും നിർവഹിച്ചിരിക്കുന്നത്. ഷിബിൻ ആറ്റുവ, അഭിലാഷ് പൊൻകുന്നം, ജിനോ ജോസ്, സജിൻ സാം, റഫീക്ക് കൂട്ടിലങ്ങാടി, അനോ കുരുവിള, റിസ്വാൻ, ബുഷി ജിനോ, നിതു സജിൻ, ലീന ആന്റോ തുടങ്ങി പതിനഞ്ചോളം അഭിനേതാക്കൾ 17 മിനിറ്റുള്ള ഈ ഹ്രസ്വചിത്രത്തിൽ അഭിനയിച്ചിരിക്കുന്നു.
സൗദിയിലൊരുങ്ങിയ മലയാളികളുടെ ചിത്രം
04:12 PM Dec 28, 2020 | Deepika.com