ഫഹദ് ഫാസിൽ നായകനാകുന്ന മാലിക് എന്ന സിനിമയുടെ റിലീസ് തീയതി പ്രഖ്യാപിച്ചു. മെയ് 13ന് ചിത്രം പ്രദർശനത്തിനെത്തും. തീയറ്ററിലാണ് ചിത്രം റിലീസ് ചെയ്യുന്നത്. നേരത്തെ ചിത്രം ഒടിടി പ്ലാറ്റ്ഫോമിൽ സിനിമ റിലീസ് ചെയ്യുമെന്ന് അഭ്യൂഹങ്ങളുണ്ടായിരുന്നു. എന്നാൽ സിനിമ തീയറ്ററുകളിൽ പ്രദർശനത്തിനെത്തിക്കുമെന്നാണ് അണിയറപ്രവർത്തകർ നൽകുന്ന വിശദീകരണം.
സുലൈമാന് എന്ന കഥാപാത്രമായാണ് ഫഹദ് വേഷമിടുന്നത്. ബിജു മേനോന്, വിനയ് ഫോര്ട്ട്, ദിലീഷ് പോത്തന്, ജലജ എന്നിവരും ചിത്രത്തില് പ്രധാന വേഷത്തിലെത്തുന്നുണ്ട്.20 വയസ് മുതല് 57 വയസ് വരെയുള്ള നാല് കാലഘട്ടങ്ങളാണ് ചിത്രത്തില് കാണിക്കുന്നത്. തീരദേശ പ്രദേശങ്ങളിലെ ഭൂമി കൈയേറ്റം തുടങ്ങിയ പ്രശ്നങ്ങള് പോലെ ഏറെ കാലിക പ്രസക്തിയുള്ള വിഷയമാണ് ചിത്രം കൈകാര്യം ചെയ്യുന്നത്.
മാലിക് തീയറ്ററുകളിൽ പ്രദർശിപ്പിക്കും; റിലീസ് തീയതി പുറത്തുവിട്ടു
09:43 AM Dec 24, 2020 | Deepika.com