വെള്ളിമൂങ്ങ, മുന്തിരിവള്ളികൾ തളിർക്കുമ്പോൾ, ആദ്യരാത്രി എന്നീ ചിത്രങ്ങൾക്കു ശേഷം ജിബു ജേക്കബ് സംവിധാനം ചെയ്യുന്ന പുതിയ ചിത്രം ഒരുങ്ങുന്നു. "എല്ലാം ശരിയാകും' എന്ന ചിത്രത്തിൽ ആസിഫ് അലിയും രജിഷ വിജയനുമാണ് പ്രധാന വേഷങ്ങളിലെത്തുന്നത്.
ഡോ. പോൾസ് എന്റർടെയ്ൻമെന്റ് ആൻഡ് തോമസ് തിരുവല്ലാ ഫിലിംസിന്റെ ബാനറിൽ ഡോ.പോൾ വർഗീസും തോമസ് തിരുവല്ലയും ചേർന്നു നിർമ്മിക്കുന്ന ഈ ചിത്രത്തിന്റെ ഷൂട്ടിംഗ് ചിത്രീകരണം 18ന് ഈരാറ്റുപേട്ടയിൽ ആരംഭിക്കും.
പൊളിറ്റിക്കൽ ഫാമിലി പശ്ചാത്തലത്തിലൂടെ ഇടതുപക്ഷ യുവജന പ്രസ്ഥാനത്തിന്റെ സജീവ പ്രവർത്തകനായ ഒരു യുവാവിന്റെ കഥയാണ് നർമത്തിലൂടെ പറയുന്നത്.
സിദ്ദിഖ്, കലാഭവൻ ഷാജോൺ, സുധീർ കരമന, ജോണി ആന്റണി, ജയിംസ് ഏല്യാ, സേതുലക്ഷ്മി, തുളസി,ജോർഡി പൂഞ്ഞാർ, എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഷാരിസ് മുഹമ്മദിന്റേതാണ് തിരക്കഥ. ബി.കെ. ഹരിനാരായണന്റെ വരികൾക്ക് ഔസേപ്പച്ചൻ ഈണം പകർന്നിരിക്കുന്നു.
ജിബു ജേക്കബും ആസിഫും രജിഷയും വരും, "എല്ലാം ശരിയാകും'
05:25 PM Dec 13, 2020 | Deepika.com