രാജ്യത്ത് കോവിഡ് നിയന്ത്രണങ്ങൾ വന്നതോടെ കഴിഞ്ഞ ഒൻപത് മാസക്കാലം വീട്ടിൽ തന്നെ ചെലവഴിക്കുകയായിരുന്നു നടൻ മമ്മൂട്ടി. സമൂഹമാധ്യമങ്ങളിൽ പങ്കുവയ്ക്കുന്ന ചിത്രങ്ങളിലൂടെയും വീഡിയോകളിലൂടെയുമാണ് എല്ലാവരും താരത്തെ കണ്ടത്.
ഇപ്പോഴിതാ, സുഹൃത്തുക്കൾക്കൊപ്പം കറങ്ങാനിറങ്ങിയ മമ്മൂട്ടിയുടെ ചിത്രങ്ങളാണ് സമൂഹമാധ്യമങ്ങൾ ഭരിക്കുന്നത്.
നിർമാതാവ് ആന്റോ ജോസഫ്, പ്രൊഡക്ഷൻ കൺട്രോളർ ബാദുഷ, നടൻ രമേഷ് പിഷാരടി എന്നിവർക്കൊപ്പമായിരുന്നു മമ്മൂട്ടിയുടെ യാത്ര. ഇതിനിടയിൽ കലൂർ സ്റ്റേഡിയത്തിന് മുന്നിൽ നിന്ന് കട്ടൻ ചായയും താരം കുടിച്ചു.
മാസങ്ങൾക്ക് മുൻപ് ‘പ്രീസ്റ്റ്’എന്ന സിനിമയുടെ ആദ്യ ഷെഡ്യൂൾ പൂര്ത്തിയാക്കിയാണ് മമ്മൂട്ടി വീട്ടിലെത്തിയത്. അതിനു ശേഷം ഇപ്പോഴാണ് താരം പുറത്തിറങ്ങുന്നത്.
മാസങ്ങൾക്ക് ശേഷം വീട് വിട്ട് പുറത്തിറങ്ങി മമ്മൂട്ടി; ചിത്രങ്ങൾ ഏറ്റെടുത്ത് ആരാധകർ
11:57 AM Dec 05, 2020 | Deepika.com