രാജസേനൻ, സിദ്ദിഖ്, റാഫി- മെക്കാർട്ടിൻ തുടങ്ങിയവരുടെ സഹസംവിധായകനായി പ്രവർത്തിച്ച മലയാളത്തിന്റെ ഹിറ്റ് ഡയറക്ടർ തന്റെ ആദ്യസിനിമ ചെയ്യാനുണ്ടായ അനുഭവത്തെക്കുറിച്ച് ഒരിക്കൽ തുറന്നുസംസാരിച്ചു. വൺമാൻഷോ എന്ന റാഫി മെക്കാർട്ടിൻ തിരക്കഥയെഴുതിയ സിനിമ ചെയ്തുകൊണ്ടായിരുന്നു ഷാഫി സ്വതന്ത്ര സംവിധാനരംഗത്തേക്ക് കടന്നത്.
സിനിമയിൽ സഹസംവിധായകനായി പ്രവർത്തിക്കുമ്പോൾ തന്നെ പലരും സിനിമ ചെയ്യാൻ സമയമായി എന്ന് പറഞ്ഞിരുന്നെങ്കിലും താൻ കാത്തിരുന്നത് റാഫി-മെക്കാർട്ടിന്റെ തിരക്കഥയ്ക്കു വേണ്ടിയാണെന്നായിരുന്നു ഷാഫിയുടെ തുറന്നുപറച്ചിൽ.
""സഹസംവിധായകനായി പ്രവർത്തിക്കുമ്പോൾ തന്നെ എന്നോട് പലരും പറഞ്ഞിരുന്നു നിനക്ക് സിനിമ ചെയ്യാൻ സമയമായി എന്ന്. പക്ഷേ എനിക്ക് ആവശ്യം റാഫി- മെക്കാർട്ടിൻ ടീമിന്റെ തിരക്കഥയായിരുന്നു. ഞാൻ അവരോട് നേരത്തെ പറഞ്ഞിരുന്നു എനിക്ക് സിനിമ ചെയ്യാൻ ഒരു തിരക്കഥ എഴുതിത്തരണമെന്ന്.
അവരുടെ തിരക്കുകൾ കഴിഞ്ഞു മൂന്നുവർഷം കഴിഞ്ഞപ്പോൾ അവർ എനിക്കുവേണ്ടി എഴുതി. അങ്ങനെ ആദ്യത്തെ സിനിമ ചെയ്യാൻ ഞാൻ തീരുമാനിച്ചു. അതായിരുന്നു ജയറാം, ലാൽ എന്നിവർ കേന്ദ്രകഥാപാത്രങ്ങളായി അഭിനയിച്ച വൺമാൻഷോ.''
വർഷങ്ങൾ കാത്തിരുന്നു, അവരുടെ തിരക്കഥ ലഭിക്കാൻ..
05:46 PM Nov 07, 2020 | Deepika.com