മാധ്യമപ്രവർത്തനം പശ്ചാത്തലമാക്കി നിരവധി മലയാള ചിത്രങ്ങളാണ് പുറത്തിറങ്ങിയിട്ടുള്ളത്. ഇവയെല്ലാം തിയറ്ററുകളിൽ നിന്നും മികച്ച വിജയമായിരുന്നു നേടിയത്. അത്തരം ഏതാനും സിനിമകളെക്കുറിച്ചറിയാം...
ന്യൂഡൽഹി
ഡെന്നിസ് ജോസഫിന്റെ തിരക്കഥയിൽ ജോഷി സംവിധാനം ചെയ്ത് 1987-ൽ പുറത്തിറങ്ങിയ മലയാളചലച്ചിത്രമാണ് ന്യൂഡൽഹി.അഴിമതിക്കാരായ രണ്ടു രാഷ്ട്രീയക്കാരുടെ ദുഷ്കൃത്യങ്ങൾ വെളിച്ചത്തുകൊണ്ടുവന്നതിനെത്തുടർന്ന് തടവിലാക്കപ്പെടുന്ന ഡൽഹിയിലെ ഒരു പത്രപ്രവർത്തകന്റെ പ്രതികാരത്തിന്റെ കഥയാണ് ഈ ചിത്രം പറയുന്നത്. മലയാളസിനിമാചരിത്രത്തിലെ ഏറ്റവും വലിയ ഹിറ്റുകളിലൊന്നാണ് മമ്മൂട്ടി നായകനായ ന്യൂഡൽഹി.
പത്രം
രഞ്ജി പണിക്കരുടെ തിരക്കഥയിൽ ജോഷി സംവിധാനം ചെയ്ത ചിത്രമാണ് പത്രം.1999ൽ പുറത്തിറങ്ങിയ ഈ സുരേഷ് ഗോപി-മഞ്ജു വാര്യർ ചിത്രം അക്കാലത്തെ ഏറ്റവും വലിയ ബോക്സോഫീസ് ഹിറ്റായിരുന്നു.25 ദിവസത്തിനകം 5.15 കോടി രൂപയാണ് ചിത്രം നേടിയത്.
പാസഞ്ചർ
2009-ൽ പുറത്തിറങ്ങിയ ഒരു മലയാളചിത്രമാണ് പാസഞ്ചർ. രഞ്ജിത് ശങ്കറാണ് ഈ ചിത്രത്തിന്റെ കഥയും സംവിധാനവും ചെയ്തത്.തമ്മിലറിയാത്ത രണ്ട് കഥാപാത്രങ്ങൾ ഒരു പാസഞ്ചർ തീവണ്ടിയിൽ ആകസ്മികമായി കണ്ടുമുട്ടുകയും തുടർന്നുണ്ടാകുന്ന സംഭവങ്ങളുമാണ് ഈ ചിത്രത്തിന്റെ കാതൽ. ദിലീപ്, മംമ്താ മോഹൻദാസുമായിരുന്നു നായികാനായകന്മാർ
റണ് ബേബി റണ്
മോഹൻലാലിനെയും അമല പോളിനെയും നായികാനായകന്മാരാക്കി ജോഷി സംവിധാനം ചെയ്ത് 2012-ൽ പുറത്തിറങ്ങിയ മലയാളചലച്ചിത്രമാണ് റണ് ബേബി റണ്. ചാനൽ പ്രവർത്തകരായ രണ്ടുപേർ നടത്തുന്ന സ്റ്റിംഗ് ഓപ്പറേഷനും തുടർന്നുണ്ടാകുന്ന സംഭവങ്ങളുമാണ് ചിത്രം പറയുന്നത്.സച്ചി ആണ് ഈ ചിത്രത്തിന്റെ രചന നിർവഹിച്ചത്.
കൽക്കട്ടാ ന്യൂസ്
2008-ൽ ബ്ലസി തിരക്കഥയെഴുതി സംവിധാനം ചെയ്ത ചലച്ചിത്രമാണ് കൽക്കട്ടാ ന്യൂസ്. ദിലീപ്, മീര ജാസ്മിൻ എന്നിവർ മുഖ്യ കഥാപാത്രങ്ങളെ അവതരിപ്പിക്കുന്നു. കൊൽക്കത്ത നഗരപശ്ചാത്തലത്തിലാണ് കഥ വികസിക്കുന്നത്. കൽക്കട്ട നഗരത്തിൽ കൽക്കട്ട ന്യൂസ് എന്ന ടെലിവിഷൻ ചാനലിൽ ജോലി ചെയ്യുന്ന ഒരു അജിത്ത് തോമസ് എന്ന കഥാപാത്രമായാണ് ദിലീപ് ഈ ചിത്രത്തിൽ അഭിനയിക്കുന്നത്.
ലവ് 24*7
ദിലീപിനെ നായകനാക്കി ശ്രീബാല കെ മേനോൻ സംവിധാനം ചെയ്യുന്ന മലയാള ചലച്ചിത്രമാണ് ലവ് 24*7. മാധ്യമ രംഗത്തിന്റെ പശ്ചാത്തലത്തിൽ അരങ്ങേറുന്ന ഒരു പ്രണയകഥയാണ് ചിത്രം പറയുന്നത്. നിഖില വിമൽ ആണ് ചിത്രത്തിൽ ദിലീപിന്റെ നായികയായി എത്തുന്നത്. റഫീഖ് അഹമ്മദിന്റെ വരികൾക്ക് ബിജി ബാൽ ഇണം പകരുന്നു.
വാർത്ത
മമ്മൂട്ടിയെ നായകനാക്കി ഐ .വി. ശശി സംവിധാനം ചെയ്ത വാർത്ത എന്ന സിനിമയിലും മാധ്യമരംഗമായിരുന്നു പശ്ചാത്തലം. ചിത്രം വൻഹിറ്റായിരുന്നു.
അഗ്നിദേവൻ
മോഹൻലാലിനെ നായകനാക്കി വേണു നാഗവള്ളി സംവിധാനം ചെയ്ത അഗ്നിദേവൻ എന്ന സിനിമയിലും മാധ്യമപ്രവർത്തനം പശ്ചാത്തലമായി വന്നിരുന്നു.
ന്യൂസ്
സുരേഷ് ഗോപി-രഞ്ജിനി എന്നിവരെ മുഖ്യകഥാപാത്രങ്ങളാക്കി ഷാജി കൈലാസ് ഒരുക്കിയ സിനിമയിലും മാധ്യമപ്രവർത്തനായിരുന്നു ഇതിവൃത്തം.
കവർ സറ്റോറി
ബി. ഉണ്ണികൃഷ്ണന്റെ ആദ്യചിത്രമായ കവർ സ്റ്റോറിയിലും പത്രപ്രവർത്തനമാണ് പശ്ചാത്തല മായത്. സുരേഷ് ഗോപിയും തബുവുമായിരുന്നു നായികാനായകന്മാർ.
സിനിമയ്ക്കുള്ളിലെ മാധ്യമങ്ങൾ
07:06 PM Sep 04, 2020 | Deepika.com