പ്രിയദർശൻ-മോഹൻലാൽ ടീം നിരവധി ഹിറ്റ് സിനിമകൾ മലയാളത്തിന് സമ്മാനിച്ചെങ്കിലും തന്നെ മോഹിപ്പിച്ച രണ്ടു മോഹൻലാൽ സിനിമകൾ ഉണ്ടെന്ന് പ്രിയദർശൻ ഒരിക്കൽ തുറന്നു പറഞ്ഞിരുന്നു. ആ രണ്ട് സിനിമകളും കണ്ടപ്പോൾ തനിക്ക് സംവിധാനം ചെയ്യാൻ മോഹം തോന്നിയ സിനിമ ആണെന്നും ഒരഭിമുഖത്തിൽ പ്രിയദർശൻ തുറന്നു പറഞ്ഞു.
ലാൽ അഭിനയിച്ച രണ്ട് സിനിമകൾ എനിക്ക് സംവിധാനം ചെയ്യണമെന്ന് തോന്നിയിട്ടുണ്ട്. അത് നാടോടിക്കാറ്റും, ഗാന്ധിനഗർ സെക്കന്ഡ് സ്ട്രീറ്റുമാണ്. അവ രണ്ടും എന്റെ രീതിക്ക് ചേരുന്നതാണ്. ഇന്ന് പലരും സംസാരിക്കുന്പോൾ നാടോടിക്കാറ്റ് എന്റെ സിനിമ ആണെന്ന് പറയാറുണ്ട്. അത് പോലെ ഞാൻ ചെയ്ത വെള്ളാനകളുടെ നാട് സത്യൻ അന്തിക്കാട് ചെയ്തതാണ് എന്ന് കരുതുന്നവരുമുണ്ട്.
നാടോടിക്കാറ്റിൽ സംഘട്ടനരീതി സാധാരണയായി എന്റെ സിനിമയിൽ കൂടുതൽ കാണുന്നതുകൊണ്ടാകാം അത്തരം തോന്നലുകളുണ്ടാകുന്നത്- പ്രിയദർശൻ പറഞ്ഞു.
പ്രിയനെ മോഹിപ്പിച്ച ലാൽ ചിത്രങ്ങൾ!
05:46 PM Aug 26, 2020 | Deepika.com