ചിത്രങ്ങളുടെ റിലീസ് നീണ്ടുപോകുന്നത് ഗൗതം മേനോനെ സംബന്ധിച്ച് പുത്തരിയല്ല. വിക്രമിനെ നായകനാക്കി ഗൗതം മേനോൻ സംവിധാനം ചെയ്ത ധ്രുവനച്ചത്തിരം എന്ന ചിത്രം എന്തായി എന്ന് പ്രേക്ഷകർ ചോദിക്കാൻ തുടങ്ങിയിട്ട് കുറച്ചു നാളായി. ഇപ്പോൾ ചിത്രം അധികം വൈകില്ലെന്ന വാർത്തായണ് പുറത്തു വരുന്നത്.
ഗായകന് കാര്ത്തിക്, ഗാനരചയിതാവ് മദന് കാര്കി, കൊറിയോഗ്രാഫര് സതീഷ് കൃഷ്ണന് എന്നിവർക്കൊപ്പം നടത്തിയ ഇൻസ്റ്റഗ്രാം ലൈവിനിടെ ചിത്രത്തിന്റെ ജോലികൾ ഒട്ടുമിക്കതും പൂർത്തിയായി എന്നാണ് ഗൗതം മേനോൻ അറിയിച്ചത്. വിക്രമിന്റെ ഡബ്ബിംഗ് പൂർത്തിയാകാനുണ്ട്.
മറ്റു പോസ്റ്റ് പ്രൊഡക്ഷൻ ജോലികളൊന്നും അധികം അവശേഷിക്കുന്നില്ലെന്നും സംവിധായകൻ പറഞ്ഞു.
ലോക്ക്ഡൗണിനു ശേഷം വരുൺ നായകനാകുന്ന ജോഷ്വ എന്ന ചിത്രത്തിന്റെ ഷൂട്ടിംഗ് പുനരാരംഭിക്കും.
ധ്രുവനച്ചത്തിരം അധികം വൈകില്ല
11:46 AM Jun 12, 2020 | Deepika.com