ടൊവിനോ തോമസ് നായകനാകുന്ന ഫോറൻസിക്ക് റിലീസിനൊരുങ്ങുന്നു. ത്രില്ലർ ഗണത്തിലൊരുക്കുന്ന സിനിമ സംവിധാനം ചെയ്യുന്നത് അനസ് ഖാൻ, അഖിൽ പോൾ എന്നിവർ ചേർന്നാണ്. മംമ്ത മോഹൻദാസ് ആണ് ചിത്രത്തിലെ നായിക. സംവിധായകർ തന്നെയാണ് സിനിമയ്ക്ക് വേണ്ടി തിരക്കഥയൊരുക്കുന്നത്.
രൺജി പണിക്കർ, പ്രതാപ് പോത്തൻ, റെബ മോണിക്ക, ലുക്മാൻ എന്നിവരാണ് സിനിമയിൽ പ്രധാനകഥാപാത്രങ്ങളെ അവതരിപ്പിക്കുന്നവർ. അഖിൽ ജോർജ് സിനിമയ്ക്ക് വേണ്ടി കാമറ ചലിപ്പിക്കുന്നു.
ജെയ്ക്സ് ബിജോയ് ആണ് സംഗീതമൊരുക്കുന്നത്. ജൂവിസ് പ്രൊഡക്ഷൻസിന്റെ ബാനറിൽ നെവിസ് സേവ്യർ, സിജു മാത്യു എന്നിവരാണ് ചിത്രം നിർമിക്കുന്നത്.