പ​ത്തൊ​ന്പ​താം നൂ​റ്റാ​ണ്ടി​ലെ ജീ​വി​ത​ങ്ങ​ൾ

പ​ത്തൊ​മ്പ​താം നൂ​റ്റാ​ണ്ടി​ലെ തി​രു​വി​താം​കൂ​റി​ന്‍റെ സാ​മൂ​ഹി​ക അ​ന്ത​രീ​ക്ഷം പ​ശ്ചാ​ത്ത​ല​മാ​ക്കി വി​ന​യ​ന്‍ ഒ​രു​ക്കു​ന്ന ബ്ര​ഹ്‌​മാ​ണ്ഡ ചി​ത്ര​ത്തി​നാ​യു​ള്ള കാ​ത്തി​രി​പ്പി​ലാ​ണ് പ്രേ​ക്ഷ​ക​ര്‍. യു​വ​താ​രം സി​ജു വി​ല്‍​സ​നാ​ണ് ചി​ത്ര​ത്തി​ലെ കേ​ന്ദ്ര​ക​ഥാ​പാ​ത്ര​മാ​യ ന​വോ​ത്ഥാ​ന നാ​യ​ക​ന്‍ ആ​റാ​ട്ടു​പു​ഴ വേ​ലാ​യു​ധ​പ്പ​ണി​ക്ക​രെ അ​വ​ത​രി​പ്പി​ക്കു​ന്ന​ത്. നാ​യി​ക ക​ഥാ​പാ​ത്രം ന​ങ്ങേ​ലി​യാ​യി ക​യാ​ദു ലോ​ഹ​ര്‍ ചി​ത്ര​ത്തി​ലെ​ത്തു​ന്നു. വ​മ്പ​ന്‍ സെ​റ്റും താ​ര​നി​ര​യും ഒ​രു​ക്കു​ന്ന ചി​ത്ര​ത്തി​ന്‍റെ ക്ലൈ​മാ​ക്‌​സ് ദൃ​ശ്യ​ങ്ങ​ളാ​ണ് ഇ​നി ചി​ത്രീ​ക​രി​ക്കാ​നു​ള്ള​ത്. ‌മ​ല​യാ​ള​ത്തി​ലെ താ​ര​ങ്ങ​ള്‍​ക്കൊ​പ്പം വി​ദേ​ശ അ​ഭി​നേ​താ​ക്ക​ളും ചി​ത്ര​ത്തി​ലെ​ത്തു​ന്നു. ആ​ക്‌​ഷ​നു മു​ന്‍​തൂ​ക്ക​മു​ള്ള ഒ​രു വ​ലി​യ ച​രി​ത്ര സി​നി​മ എ​ന്ന​തി​ലു​പ​രി മ​ന​സി​ല്‍ ത​ട്ടു​ന്ന ക​ഥ​യും മു​ഹൂ​ര്‍​ത്ത​ങ്ങ​ളു​മു​ള്ള ഒ​രു ച​ല​ച്ചി​ത്ര​മാ​യി​രി​ക്കും പ​ത്തൊ​ന്‍​പ​താം നൂ​റ്റാ​ണ്ടെ​ന്നു സം​വി​ധാ​യ​ക​ന്‍ പ​റ​യു​ന്നു. ആ​റാ​ട്ടു​പു​ഴ വേ​ലാ​യു​ധ​പ്പ​ണി​ക്ക​ര്‍, ന​ങ്ങേ​ലി എ​ന്നീ ക​ഥാ​പാ​ത്ര​ങ്ങ​ള്‍​ക്കൊ​പ്പം നി​ർ​ണാ​യ​ക​മാ​കു​ന്ന ചി​ത്ര​ത്തി​ലെ മ​റ്റു ക​ഥാ​പാ​ത്ര​ങ്ങ​ളി​ലൂ​ടെ...

നീ​ലി

അ​ധഃ​സ്ഥി​ത​യാ​ണെ​ങ്കി​ലും പെ​ണ്ണി​ൻ മാ​ന​ത്തി​നു വേ​ണ്ടി പോ​രാ​ടാ​നു​ള്ള അ​സാ​മാ​ന്യ മ​നഃ​ശ​ക്തി​യും സ​ഹ​ന​ശേ​ഷി​യും പ്ര​ക​ടി​പ്പി​ച്ച നീ​ലി. ചാ​ല​ക്കു​ടി​ക്കാ​ര​ൻ ച​ങ്ങാ​തി ഫെ​യിം രേ​ണു സൗ​ന്ദ​നാ​ണ് നീ​ലി​യാ​യി അ​ഭി​ന​യി​ക്കു​ന്ന​ത്. ഇ​ന്നു ചി​ന്തി​ക്കാ​ൻ പോ​ലും ക​ഴി​യാ​ത്ത സാ​മൂ​ഹ്യ സാ​ഹ​ച​ര്യം നി​ല​നി​ന്നി​രു​ന്ന കാ​ല​മാ​യി​രു​ന്നു പ​ത്തൊ​ന്പ​താം നു​റ്റാ​ണ്ടി​ലേ​ത്. അ​ധി​കാ​ര വ​ർ​ഗ​ത്തി​നെ​തി​രേ ശ​ബ്്ദി​ച്ചാ​ൽ ത​ല കാ​ണി​ല്ലെ​ന്ന അ​വ​സ്ഥ​യു​ള്ള അ​ക്കാ​ല​ത്ത് അ​ധഃ​സ്ഥി​ത​രാ​യ സ്ത്രീ​ക​ളു​ടെ ജീ​വി​തം ദു​രി​ത​പൂ​ർ​ണ​മാ​യി​രു​ന്നു. വ​രേ​ണ്യ​വ​ർ​ഗ​ത്തി​നു മു​ന്നി​ൽ വെ​റും ദുഃ​ശ​കു​ന​ങ്ങ​ളാ​യി മാ​റി​യ അ​ശ​ര​ണ​ക്കൂ​ട്ട​ങ്ങ​ളു​ടെ ഇ​ട​യി​ൽ​നി​ന്നും അ​വ​ർ​ക്കു​വേ​ണ്ടി ഉ​യ​ർ​ന്ന ശ​ബ്ദ​മാ​യി​രു​ന്നു നീ​ലി​യു​ടേ​ത്. നൂ​റു ക​ണ​ക്കി​നു പ​ട്ടാ​ള​വും പോ​ലീ​സും നീ​ലി​ക്കും കൂ​ട്ട​ർ​ക്കും മു​ന്നി​ൽ നി​ര​ന്നു നി​ന്ന​പ്പൊ​ഴും ഉ​ശി​രോ​ടെ അ​വ​ൾ ശ​ബ്ദി​ച്ചു. മാ​ന​മി​ല്ലാ​തെ ജീ​വി​ക്കു​ന്ന​തി​ലും ന​ല്ല​ത് മ​ര​ണ​മാ​ണ്, അ​വ​ൾ വി​ളി​ച്ചു​പ​റ​ഞ്ഞു. ആ​റാ​ട്ടു​പു​ഴ വേ​ലാ​യു​ധ​പ്പ​ണി​ക്ക​ർ എ​ന്ന പോ​രാ​ളി​യു​ടെ പി​ൻ​ബ​ല​ത്തി​ൽ ത​ന്‍റെ സ​ഹ​ജീ​വി​ക​ൾ​ക്കു​വേ​ണ്ടി എ​ന്തു ത്യാ​ഗ​ത്തി​നും ത​യാ​റാ​യ നീ​ലി​യു​ടെ ക​ഥ പ്രേ​ക്ഷ​ക മ​ന​സി​നെ പി​ടി​ച്ചു​ല​യ്ക്കും.

സാ​വി​ത്രി ത​ന്പു​രാ​ട്ടി

വി​ദ്യാ​സ​ന്പ​ന്ന​യും സു​ന്ദ​രി​യു​മാ​യി​രു​ന്ന സാ​വി​ത്രി ത​ന്പു​രാ​ട്ടി രാ​ജ സ​ദ​സി​ൽ നൃ​ത്തം അ​വ​ത​രി​പ്പി​ക്കു​ന്ന ന​ർ​ത്ത​കി​യാ​ണ്. തി​രു​വി​താം​കു​റി​ലെ താ​ണ ജാ​തി​ക്കാ​ർ അ​യി​ത്ത​ത്തി​ന്‍റെ പേ​രി​ൽ അ​നു​ഭ​വി​ക്കു​ന്ന യാ​ത​ന​ക​ൾ നേ​രി​ൽ ക​ണ്ട സാ​വി​ത്രി​യു​ടെ മ​ന​സ്‌ വ​ല്ലാ​തെ ആ​കു​ല​പ്പെ​ട്ടു. ന​ന്നേ ചെ​റു​പ്പ​മാ​ണ​ങ്കി​ലും മ​ന​ക്ക​രു​ത്തു​ള്ള സ്ത്രീ​ത്വ​വും അ​ശ​ര​ണ​രോ​ടു ദീ​നാ​നു​ക​ന്പ​യു​ള്ള മ​ന​സു​മാ​യി ജീ​വി​ച്ച സാ​വി​ത്രി​ക്കു​ട്ടി​ക്കു പ​ക്ഷേ നേ​രി​ടേ​ണ്ടി വ​ന്ന​ത് വ​ലി​യ അ​ഗ്നി​പ​രീ​ക്ഷ​ക​ളാ​യി​രു​ന്നു. ദീ​പ്തി സ​തി​യാ​ണ് വ​ലി​യ കോ​വി​ല​ക​ത്തെ സാ​വി​ത്രി ത​ന്പു​രാ​ട്ടി​യെ അ​വ​ത​രി​പ്പി​ക്കു​ന്ന​ത്.

പ​ര​മേ​ശ്വ​ര കൈ​മ​ൾ

വ​ലി​യ ധ​നാ​ഢ്യ​നും ബു​ദ്ധി​മാ​നും തി​രു​വി​താം​കൂ​ർ ദി​വാ​നെ​പോ​ലും വ​രു​തി​യി​ൽ കൊ​ണ്ടു​വ​രു​വാ​ൻ പോ​ന്ന കൗ​ശ​ല​ക്കാ​ര​നു​മാ​ണ് പ​ര​മേ​ശ്വ​ര കൈ​മ​ൾ. തി​രു​വി​താം​കൂ​റി​ലെ​വി​ടെ​യും ഒ​രു മി​ന്ന​ൽ​പി​ണ​ർ പോ​ലെ ത​ന്‍റെ കു​തി​ര​പ്പു​റ​ത്തു പ​റ​ന്നെ​ത്താ​ൻ ക​ഴി​വു​ണ്ടാ​യി​രു​ന്ന പ​ട​ക്കു​റു​പ്പു​കൂ​ടി ആ​യി​രു​ന്നു കൈ​മ​ൾ. തീ​ണ്ട​ലും തൊ​ടീ​ലും നി​ല​നി​ന്നി​രു​ന്ന അ​ക്കാ​ല​ത്ത് അ​ധഃ​സ്ഥി​ത​ർ​ക്കു വേ​ണ്ടി സം​സാ​രി​ക്കു​വാ​ൻ ആ​റാ​ട്ടു​പു​ഴ​യി​ൽ ഒ​രു ശ​ബ്ദം ഉ​യ​ർ​ന്നി​രി​ക്കു​ന്നു എ​ന്നു വാ​ർ​ത്ത കേ​ട്ട​റി​ഞ്ഞ കൈ​മ​ൾ രോ​ഷം​കൊ​ണ്ടു. അ​തു വേ​ലാ​യു​ധ ചേ​ക​വ​രാ​ണ​ന്ന​റി​യു​ന്ന​തോ​ടെ പു​തി​യ പോ​ർ​മു​ഖം തു​റ​ക്കു​ക​യാ​യി​രു​ന്നു. കൊ​ല്ലും കൊ​ല​യും ന​ട​ത്താ​ൻ അ​വ​കാ​ശ​മു​ള്ള പ​ണി​ക്ക​ശേ​രി ത​റ​വാ​ട്ടി​ലെ പ​ര​മേ​ശ്വ​ര​കൈ​മ​ളെ അ​വ​ത​രി​പ്പി​ക്കു​ന്ന​ത് സു​രേ​ഷ്കൃ​ഷ്ണ​യാ​ണ്.

പെ​രു​മാ​ൾ

വേ​ലാ​യു​ധ​പ്പ​ണി​ക്ക​ർ​ക്ക് എ​ല്ലാ മാ​ർ​ഗ​നി​ർ​ദേ​ശ​ങ്ങ​ളും ഉ​പ​ദേ​ശ​ങ്ങ​ളും ന​ൽ​കി അ​നീ​തി​ക്കും ജാ​തി വി​വേ​ച​ന​ത്തി​നും എ​തി​രേ പോ​രാ​ടാ​ൻ ഉൗ​ർ​ജം കൊ​ടു​ത്ത മു​ത്ത​ച്ഛ​നാ​ണ് പെ​രു​മാ​ൾ. അ​ധഃ​സ്ഥി​ത​ർ​ക്ക് ഈ​ശ്വ​രാ​രാ​ധ​ന​പോ​ലും നി​ഷി​ദ്ധ​മാ​യ കാ​ല​ത്ത് 1859ൽ ​ശി​വ​ലിം​ഗ പ്ര​തി​ഷ്ഠ ന​ട​ത്താ​നും അ​ച്ചി​പ്പു​ട​വ സ​മ​രം, മൂ​ക്കു​ത്തി സ​മ​രം പോ​ലെ​യു​ള്ള​തി​നു നേ​തൃ​ത്വം ന​ൽ​കാ​നും വേ​ലാ​യു​ധ​നു പ്ര​ചോ​ദ​ന​മാ​യ​ത് പെ​രു​മാ​ളി​ന്‍റെ ഉ​പ​ദേ​ശ​ങ്ങ​ളാ​ണ്. പ്രാ​യ​ത്തെ വെ​ല്ലു​ന്ന ക​രു​ത്തും പ്ര​തി​ക​ര​ണ ശേ​ഷി​യു​മു​ള്ള മ​ന​സാ​യി​രു​ന്നു പെ​രു​മാ​ളി​ന്‍റേ​ത്. നി​ർ​മാ​താ​വ് ഗോ​കു​ലം ഗോ​പാ​ല​നാ​ണ് പെ​രു​മാ​ളാ​യി എ​ത്തു​ന്ന​ത്. പ​ല മേ​ഖ​ല​ക​ളി​ലും കൈ​യ്യൊ​പ്പു ചാ​ർ​ത്തി​യി​ട്ടു​ള്ള ഗോ​കു​ലം ഗോ​പാ​ല​ൻ അ​ഭി​നേ​താ​വെ​ന്ന നി​ല​യി​ൽ ത​ന്‍റെ വ്യ​ക്തി​മു​ദ്ര പ​തി​പ്പി​ക്കു​ന്ന ക​ഥാ​പാ​ത്ര​മാ​യി​രി​ക്കും പെ​രു​മാ​ൾ.

തി​രു​വി​താം​കൂ​ർ മ​ഹാ​രാ​ജാ​വ്

പ​ത്തൊ​ന്പ​താം നൂ​റ്റാ​ണ്ടി​ൽ തി​രു​വി​താം​കൂ​ർ ഭ​രി​ച്ച മ​ഹാ​രാ​ജാ​വി​ന്‍റെ ക​ഥാ​പാ​ത്ര​ത്തെ അ​നൂ​പ് മേ​നോ​ൻ അ​വ​ത​രി​പ്പി​ക്കു​ന്നു. 1810 വ​രെ അ​വി​ട്ടം തി​രു​ന്നാ​ൾ മ​ഹാ​രാ​ജാ​വാ​യി​രു​ന്നു തി​രു​വി​താം​കൂ​റി​ന്‍റെ ഭ​ര​ണാ​ധി​കാ​രി. 1815 വ​രെ റാ​ണി ഗൗ​രീ ല​ക്ഷ്മീ​ഭാ​യി മ​ഹാ​റാ​ണി​യാ​യി. 1829 വ​രെ ബാ​ല​നാ​യി​രു​ന്ന സ്വാ​തി തി​രു​നാ​ളി​നു​വേ​ണ്ടി രാ​ജ്യം ഭ​രി​ച്ച റാ​ണി ഗൗ​രി പാ​ർ​വ​തി ഭാ​യി തി​രു​വി​താം​കൂ​റി​ന്‍റെ റീ​ജ​ന്‍റ് ആ​യി​രു​ന്നു. 1846 വ​രെ സ്വാ​തി തി​രു​നാ​ളും 1860 വ​രെ ഉ​ത്രം തി​രു​ന്നാ​ളും 1880 വ​രെ ആ​യി​ല്യം തി​രു​ന്നാ​ളും തി​രു​വി​താം​കൂ​റി​ന്‍റെ മ​ഹാ​രാ​ജാ​ക്ക​ൻ​മാ​ർ ആ​യി. 1812 ഡി​സം​ബ​ർ അ​ഞ്ചി​ന് റാ​ണി ഗൗ​രി ല​ക്ഷ്മി​ഭാ​യി തി​രു​വി​താം​കൂ​റി​ൽ അ​ടി​മ​പ്പ​ണി​യും അ​ടി​മ​ക്ക​ച്ച​വ​ട​വും നി​ർ​ത്ത​ലാ​ക്കി വി​ജ്ഞാ​പ​നം ഇ​റ​ക്കി. പ​ക്ഷേ, ത​ങ്ങ​ളു​ടെ വ​യ​ലു​ക​ളി​ൽ മാ​ടു​ക​ളെ​പോ​ലെ പ​ണി​യെ​ടു​പ്പി​ക്കാ​ൻ അ​ടി​മ​ക​ൾ അ​നി​വാ​ര്യ​മെ​ന്നു തോ​ന്നി​യി​രു​ന്ന ചി​ല പ്ര​മാ​ണി​ക​ൾ ആ ​നി​യ​മം കാ​റ്റി​ൽ പ​റ​ത്തി. ഒ​ടു​വി​ൽ 1854 ൽ ​ഉ​ത്രം തി​രു​ന്നാ​ൾ മ​ഹാ​രാ​ജാ​വി​ന്‍റെ ശ​ക്ത​മാ​യ ഇ​ട​പെ​ട​ൽ വേ​ണ്ടി വ​ന്നു അ​ടി​മ​ക്ക​ച്ച​വ​ടം നി​ർ​ത്ത​ലാ​ക്കാ​ൻ. താ​ണ ജാ​തി​യി​ലെ സ്ത്രീ​ക​ൾ​ക്ക് മാ​റു മ​റ​യ്ക്കാ​നു​ള്ള അ​വ​കാ​ശം ന​ൽ​കി 1812ൽ ​റാ​ണി ഗൗ​രി ല​ക്ഷ്മി​ഭാ​യി വി​ളം​ബ​രം ചെ​യ്തു. ഒ​രു നൂ​റ്റാ​ണ്ടി​ലേ​റെ എ​ടു​ത്തു അ​ധഃ​സ്ഥി​ത​ർ​ക്ക് അ​വ​കാ​ശം വേ​ണ്ട​രീ​തി​യി​ൽ ല​ഭ്യ​മാ​കു​വാ​ൻ.

പ​ട​വീ​ട​ൻ ന​ന്പി

സു​ദേ​വ് നാ​യ​ർ അ​വ​ത​രി​പ്പി​ക്കു​ന്ന പ​ട​വീ​ട​ൻ ന​ന്പി തി​രു​വി​താം​കൂ​ർ സേ​ന​യി​ലെ ര​ണ്ടാം പ​ട​നാ​യ​ക​നാ​ണ്. ത​ന്‍റെ അ​ധി​കാ​ര​ത്തി​ന്‍റെ ഗ​ർ​വ് സാ​ധാ​ര​ണ​ക്കാ​ര​ന്‍റെ​മേ​ൽ അ​ടി​ച്ചേ​ൽ​പ്പി​ക്കു​ന്ന ചി​ല ഉ​ദ്യോ​ഗ​സ്ഥ​രു​ടെ താ​ൻ​പ്ര​മാ​ണി​ത്തം എ​ല്ലാ കാ​ല​ഘ​ട്ട​ത്തി​ലു​മു​ള്ള​താ​ണ്. തീ​ണ്ട​ലും തൊ​ടീ​ലും നി​ല​നി​ന്നി​രു​ന്ന പ​ത്തൊ​ന്പ​താം നൂ​റ്റാ​ണ്ടി​ൽ ജീ​വി​ച്ചി​രു​ന്ന അ​ത്ത​രം ഒ​രു പ​ട്ടാ​ള മേ​ധാ​വി ആ​യി​രു​ന്നു പ​ട​വീ​ട​ൻ ന​ന്പി. പ​ക്ഷേ, അ​യാ​ളു​ടെ അ​ഹ​ങ്കാ​ര​ത്തെ​യും ഒൗ​ദ്യോ​ഗി​ക ഗ​ർ​വി​നെ​യും കൂ​സാ​തെ എ​തി​രി​ട്ടു നി​ന്ന താ​ണ ജാ​തി​യി​ൽ​പെ​ട്ട പോ​രാ​ളി​യാ​യി​രു​ന്നു ആ​റാ​ട്ടു​പു​ഴ വേ​ലാ​യു​ധ​പ്പ​ണി​ക്ക​ർ. അ​ധി​കാ​ര​ത്തി​ന്‍റെ ശ​ക്തി​കൊ​ണ്ടും അ​സാ​മാ​ന്യ കാ​യി​ക​ബ​ലം​കൊ​ണ്ടും ആ​രോ​ടും ആ​ജ്ഞാ​പി​ച്ചു മാ​ത്രം ശീ​ലി​ച്ച അ​സാ​ധാ​ര​ണ വ്യ​ക്തി ആ​യി​രു​ന്നു പ​ട​വീ​ട​ൻ ന​ന്പി. ന​ന്പി​യും വേ​ലാ​യു​ധ​നും ത​മ്മി​ൽ ഏ​റ്റു​മു​ട്ടി​യ​പ്പോ​ഴൊ​ക്കെ ഒ​രു യു​ദ്ധ​കാ​ഹ​ളം അ​ന്നാ​ട്ടി​ൽ മു​ഴ​ങ്ങി​യി​രു​ന്നു. സു​ദേ​വ് പ​ട​വീ​ട​ൻ ന​ന്പി​യെ അ​ന​ശ്വ​ര​നാ​ക്കു​ന്നു.

ചീ​രു​ക​ണ്ഠ​ൻ

സെ​ന്തി​ൽ രാ​ജാ​മ​ണി അ​വ​ത​രി​പ്പി​ക്കു​ന്ന ക​ഥാ​പാ​ത്ര​മാ​ണ് ചീ​രു​ക​ണ്ഠ​ൻ. നി​ഷ്ക​ള​ങ്ക​നും സ്നേ​ഹ​സ​ന്പ​ന്ന​നു​മാ​യ പി​ന്നാ​ക്ക​ജാ​തി​യി​ൽ​പെ​ട്ട ഒ​രു ചെ​റു​പ്പ​ക്കാ​ര​നാ​ണ് ചീ​രു​ക​ണ്ഠ​ൻ. അ​യി​ത്ത​ത്തി​ന്‍റെ പേ​രി​ൽ വി​വി​ധ വി​ഭാ​ഗ​ത്തി​ൽ​പെ​ട്ട അ​വ​ർ​ണ ജാ​തി​ക്കാ​ർ​ക്കു ക​ൽ​പി​ച്ചു​ന​ൽ​കി​യ ദൂ​ര​ത്തി​ലേ നി​ൽ​ക്കാ​വൂ എ​ന്ന ദു​ഷി​ച്ച നി​യ​മ​ങ്ങ​ൾ നി​ല​നി​ന്നി​രു​ന്ന ആ ​കാ​ല​ഘ​ട്ട​ത്തി​ലാ​ണ് ചീ​രു​ക​ണ്ഠ​നും ജീ​വി​ച്ച​ത്. അ​ധ​സ്ഥി​ത​ർ അ​ന്ന് അ​നു​ഭ​വി​ച്ച ദു​രി​ത​പൂ​ർ​ണ​മാ​യ ജീ​വി​ത​ത്ത​പ്പ​റ്റി​യും യാ​ത​ന​ക​ളെ​പ്പ​റ്റി​യും ചീ​രു​ക​ണ്ഠ​ൻ ഓ​ർ​മി​പ്പി​ക്കും. മ​ന​സി​നെ ആ​ർ​ദ്ര​മാ​ക്കു​ന്ന അ​ഭി​ന​യ​ശൈ​ലി​യി​ലൂ​ടെ ന​ട​ൻ സെ​ന്തി​ൽ ചീ​രു​ക​ണ്ഠ​നെ അ​തി മ​നോ​ഹ​ര​മാ​ക്കു​ന്നു. പ്രേ​ക്ഷ​ക​രു​ടെ മ​ന​സി​ൽ ഒ​രു വി​ങ്ങ​ലാ​യി ചീ​രു​ക​ണ്ഠ​ൻ എ​ന്ന ക​ഥാ​പാ​ത്രം മാ​റും. ചാ​ല​ക്കു​ടി​ക്കാ​ര​ൻ ച​ങ്ങാ​തി എ​ന്ന ചി​ത്ര​ത്തി​ലൂ​ടെ വി​ന​യ​ൻ മ​ല​യാ​ള​ത്തി​നു ന​ൽ​കി​യ സെ​ന്തി​ലി​ന്‍റെ മി​ക​വു​റ്റ പാ​ത്രാ​വി​ഷ്കാ​ര​മാ​യി​രി​ക്കും ചീ​രു​ക​ണ്ഠ​ൻ.

ഈ​ശ്വ​ര​ൻ ന​ന്പൂ​തി​രി

തി​രു​വി​താം​കൂ​ർ മ​ഹാ​രാ​ജാ​വി​ന്‍റെ ഉ​പ​ദേ​ശ​ക പ്ര​മു​ഖ​നാ​യി​രു​ന്നു ഈ​ശ്വ​ര​ൻ ന​ന്പൂ​തി​രി. പ​ണ്ഡി​ത​നും ആ​രെ​യും നി​യ​ന്ത്രി​ക്കാ​ൻ ത​ക്ക ആ​ജ്ഞാ​ശ​ക്തി​യു​മു​ള്ള ക​ഥാ​പാ​ത്ര​മാ​ണ​ത്. ആ ​കാ​ല​ഘ​ട്ട​ത്തി​ന്‍റെ അ​ധി​കാ​ര മേ​ധാ​വി​ത്തം പ​ര​മാ​വ​ധി ഉ​പ​യോ​ഗി​ച്ച് പ​ട​ത്ത​ല​വ​ൻ​മാ​രെ​പോ​ലും വി​ര​ൽ തു​ന്പി​ൽ നി​ർ​ത്താ​ൻ പോ​ന്ന ചാ​ണ​ക്യ​നാ​യി​രു​ന്നു ഈ​ശ്വ​ര​ൻ ന​ന്പൂ​തി​രി. വ​ലി​യ യു​ദ്ധ​ത​ന്ത്ര​ങ്ങ​ൾ മെ​ന​യാ​ൻ പോ​ലും ഈ​ശ്വ​ര​ൻ ന​ന്പൂ​തി​രി​യു​ടെ ബു​ദ്ധി ക​ട​മെ​ടു​ക്കു​ന്ന നാ​ട്ടി​ൽ ധീ​ര​നാ​യ പോ​രാ​ളി​യും സാ​ഹ​സി​ക​നു​മാ​യ ആ​റാ​ട്ടു​പു​ഴ വേ​ലാ​യു​ധ​ച്ചേ​ക​വ​ർ​ക്ക് കി​ട്ടി​യ പ്രാ​ധാ​ന്യ​വും അം​ഗീ​കാ​ര​വും ന​ന്പു​തി​രി​ക്ക് ഒ​ട്ടും ദ​ഹി​ക്കു​ന്ന​താ​യി​രു​ന്നി​ല്ല. എ​ഴു​പ​തു​ക​ളി​ലെ മ​ല​യാ​ള സി​നി​മ​യു​ടെ നാ​യ​ക​ൻ രാ​ഘ​വ​നാ​ണ് ഈ​ശ്വ​ര​ൻ ന​ന്പൂ​തി​രി​യെ അ​വ​ത​രി​പ്പി​ക്കു​ന്ന​ത്.

പ​ട​നാ​യ​ക​ൻ പാ​ച്ചു​പ്പ​ണി​ക്ക​ർ

തി​രു​വി​താം​കൂ​റി​ന്‍റെ പ​ട​നാ​യ​ക​ൻ പാ​ച്ചു​പ്പ​ണി​ക്ക​രു​ടെ വേ​ഷം അ​വ​ത​രി​പ്പി​ക്കു​ന്ന​ത് ന​ട​ൻ സു​ധീ​ർ ക​ര​മ​ന​യാ​ണ്. പ​ട ന​യി​ക്കാ​നും അ​ങ്കം വെ​ട്ടാ​നും പേ​രെ​ടു​ത്ത പ്ര​ഗ​ത്ഭ​നാ​യ പ​ട​നാ​യ​ക​നു ത​സ്ക​ര​വീ​ര​ൻ കാ​യം​കു​ളം കൊ​ച്ചു​ണ്ണി​യെ പി​ടി​കൂ​ടാ​നാ​കു​ന്നി​ല്ല എ​ന്ന​ത് വ​ലി​യ അ​ഭി​മാ​ന​ക്ഷ​ത​മാ​യി​രു​ന്നു. അ​തി​നു കാ​ര​ണ​ക്കാ​രാ​യ​വ​രോ​ട് പ​ക​യും വി​രോ​ധ​വു​മാ​യി ഇ​റ​ങ്ങി​ത്തി​രി​ക്കു​ക​യാ​യി​രു​ന്നു പ​ട​നാ​യ​ക​ൻ. ഇ​തി​നി​ട​യി​ൽ ആ​റാ​ട്ടു​പു​ഴ വേ​ലാ​യു​ധ​ച്ചേ​ക​വ​ർ എ​ന്ന അ​തി​സാ​ഹ​സി​ക​നാ​യ പോ​രാ​ളി​യു​ടെ രം​ഗ​പ്ര​വേ​ശം ത​സ്ക​ര​വീ​ര​നെ​യും ഒ​ന്നു വി​റ​പ്പി​ച്ചു. പ​ക്ഷേ, അ​തു മു​ത​ലെ​ടു​ക്കു​വാ​ൻ പ​ട​നാ​യ​ക​ൻ പാ​ച്ചു​പ്പ​ണി​ക്ക​ർ​ക്കാ​യി​ല്ല. എ​ത്ര ധീ​ര​നാ​യ പ​ട​നാ​യ​ക​നാ​ണ​ങ്കി​ലും പ​ല​ർ​ക്കും കൊ​ട്ടാ​ര​ത്തി​ലെ ഉ​പ​ജാ​പ​ക​വൃ​ന്ദ​ത്തി​ന്‍റെ മു​ന്നി​ൽ പി​ടി​ച്ചു​നി​ൽ​ക്കാ​ൻ ക​ഴി​ഞ്ഞി​രു​ന്നി​ല്ല എ​ന്ന​തൊ​രു സ​ത്യ​മാ​ണ്. ആ​രെ​യും കൂ​സാ​ത്ത ത​ന്‍റേ​ടി​യാ​യ പാ​ച്ചു​പ്പ​ണി​ക്ക​ർ​ക്ക് പ​ല​പ്പോ​ഴും സ്വ​ന്തം നി​ല​നി​ൽ​പ്പി​നു വേ​ണ്ടി​യും പോ​രാ​ടേ​ണ്ടി വ​ന്നു.

ബാ​വ

മ​ണി​ക​ണ്ഠ​ൻ ആ​ചാ​രി അ​വ​ത​രി​പ്പി​ക്കു​ന്ന ബാ​വ കാ​യം​കു​ളം കൊ​ച്ചു​ണ്ണി​യു​ടെ ഉ​റ്റ ച​ങ്ങാ​തി​യാ​ണ്. ചെ​ന്പ​ൻ വി​നോ​ദാ​ണ് കൊ​ച്ചു​ണ്ണി​യു​ടെ വേ​ഷം ചെ​യ്യു​ന്ന​ത്. തി​രു​വി​താം​കൂ​റി​നെ വി​റ​പ്പി​ച്ചി​രു​ന്ന ത​സ്ക​ര​വീ​ര​ൻ കൊ​ച്ചു​ണ്ണി​ക്കു​വേ​ണ്ടി ജീ​വ​ൻ കൊ​ടു​ക്കാ​ൻ പോ​ലും ത​യാ​റാ​യ അ​നു​യാ​യി​ക​ളി​ൽ പ്ര​ധാ​നി ആ​യി​രു​ന്ന ബാ​വ തി​ക​ഞ്ഞ അ​ഭ്യാ​സി​യും മ​നോ​ധൈ​ര്യ​മു​ള്ള​വ​നു​മാ​യി​രു​ന്നു. കാ​യം​കു​ളം കൊ​ച്ചു​ണ്ണി​യെ​പ്പ​റ്റി ന​മ്മ​ൾ ഇ​തു​വ​രെ കേ​ട്ട ക​ഥ​ക​ളി​ൽ​നി​ന്നും വ്യ​ത്യ​സ്ത​മാ​യി ഇ​ന്നേ​വ​രെ ആ​രും പ​റ​യാ​ത്ത യാ​ഥാ​ർ​ഥ്യ​ത്തി​ലേ​ക്കു പോ​കു​ന്പോ​ൾ അ​വി​ടെ ബാ​വ എ​ന്ന ത​സ്ക​ര​നും ഏ​റെ പ്ര​സ​ക്തി​യു​ണ്ട്. കു​തി​ര​യോ​ട്ട​വും സം​ഘ​ട്ട​ന​വും സ്വ​ത​സി​ദ്ധ​മാ​യ ശൈ​ലി​യി​ൽ മ​ണി​ക​ണ്ഠ​ൻ മ​നോ​ഹ​ര​മാ​ക്കി​യി​രി​ക്കു​ന്നു.