രാവണേശ്വരം: രാവണേശ്വരം ഗവ.ഹയർസെക്കൻഡറി സ്കൂൾ വികസന സെമിനാറും പൂർവവിദ്യാർഥി സംഗമവും പി.കരുണാകരൻ എംപി ഉദ്ഘാടനം ചെയ്തു. അജാനൂർ പഞ്ചായത്ത് പ്രസിഡന്‍റ് പി.ദാമോദരൻ അധ്യക്ഷത വഹിച്ചു. പിടിഎ പ്രസിഡന്‍റ് കെ.പവിത്രൻ വികസനരേഖ ഏറ്റുവാങ്ങി. ബ്ലോക്ക് പഞ്ചായത്ത് വൈസ് പ്രസിഡന്‍റ് കരുണാകരൻ കുന്നത്ത്, പഞ്ചായത്ത് അംഗം പി.എ.ശകുന്തള, ഗോവിന്ദൻ പള്ളിക്കാപ്പിൽ, എം.ബാലകൃഷ്ണൻ, ബി.ബാലകൃഷ്ണൻ, ബി.വി.കണ്ണൻ,എ.ഗംഗാധരൻ, കെ.രാജേന്ദ്രൻ, പി.കുഞ്ഞിരാമൻ എന്നിവർ പ്രസംഗിച്ചു.എം.പി.സുബ്രഹ്മണ്യൻ വികസനരേഖ അവതരിപ്പിച്ചു. പ്രിൻസിപ്പൽ കെ.ബാലൻ സ്വാഗതവും പ്രധാനാധ്യാപകൻ പി.ഡി.സുരേന്ദ്രൻ നന്ദിയും പറഞ്ഞു.
