കണയങ്കവയൽ: നൂറ്റാണ്ടുകളുടെ പഴക്കമുള്ള പാഞ്ചാലിമേട് കുരിശുമലയിൽ സാമൂഹ്യവിരുദ്ധശല്യം രൂക്ഷമായി. വർഷങ്ങളായി കണയങ്കവയൽ, മുറിഞ്ഞപുഴ, ചെറുവള്ളിക്കുളം തുടങ്ങി നിരവധി പള്ളികളിൽ നിന്നു ഈ കുരിശുമലയിലേക്ക് നാൽപ്പതാംവെള്ളിയാഴ്ചയും ദുഃഖവെള്ളിയാഴ്ചയും കുരിശുമല കയറ്റം നടത്തിയിരുന്നു. എന്നാൽ, കഴിഞ്ഞ ദിവസം ചില സാമൂഹ്യവിരുദ്ധർ കുരിശുമലയിലെ വിവിധ സ്ഥലങ്ങളിലെ കുരിശുകൾ തകർത്തിരുന്നു. ജനപ്രതിനിധികളുടെയും ഉദ്യോഗസ്ഥരുടെയും ഒത്താശയോടെയാണ് സാമൂഹ്യവിരുദ്ധശല്യമെന്ന് ആരോപണമുണ്ട്. ഇന്ന് വിവിധ പള്ളികളുടെ നേതൃത്വത്തിൽ വൈകുന്നേരം അഞ്ചിന് പാഞ്ചാലിമേട്ടിലേക്ക് കുരിശുമലകയറ്റം നടക്കും.
