സ്ഫോ​ട​ക വസ്തു സം​ഭ​ര​ണ​ശാ​ല സ്ഥാ​പി​ക്കാ​നു​ള്ള നീ​ക്കം ത​ട​ഞ്ഞു

പി​റ​വം: എ​ട​യ്ക്കാ​ട്ടു​വ​യ​ൽ പ​ഞ്ചാ​യ​ത്തി​ലെ ആ​ര​ക്കു​ന്ന​ത്തി​ന​ടു​ത്ത് ക​ട്ടി​മു​ട്ട​ത്ത് സ്ഫോ​ട​ക വ​സ്തു​ക്ക​ളു​ടെ സം​ഭ​ര​ണ​ശാ​ല സ്ഥാ​പി​ക്കാ​നു​ള്ള നീ​ക്കം ജി​ല്ലാ ഭ​ര​ണൂ​കൂ​ടം ത​ട​ഞ്ഞു. നാ​ട്ടു​കാ​രു​ടെ വ്യ​പ​ക​മാ​യ എ​തി​ർ​പ്പി​നേ​ത്തു​ട​ർ​ന്നാ​ണ് ന​ട​പ​ടി​യെ​ടു​ത്ത​ത്.
5000 കി​ലോ പ​ട​ക്കം, 300 കി​ലോ ക​രി​മ​രു​ന്ന്, 1200 കി​ലോ മ​റ്റു വെ​ടി​മ​രു​ന്ന ഉ​ത്പന്ന​ങ്ങ​ൾ എ​ന്നി​വ സൂ​ക്ഷി​ക്കു​ന്ന​തി​നാ​യി സ​മ​ർ​പ്പി​ച്ച അ​പേ​ക്ഷ എ​ഡി​എ​മ്മാ​ണ് നി​ര​സി​ച്ചി​രി​ക്കു​ന്ന​ത്. ജ​ന​സാ​ദ്ര​ത ഏ​റെ​യു​ള്ള പ്ര​ദേ​ശ​ത്ത് നി​യ​മ​വി​രു​ദ്ധ​മാ​യാ​ണ് പ​ട​ക്ക സം​ഭ​ര​ണ​ശാ​ല സ്ഥാ​പി​ക്കാ​നൊ​രു​ങ്ങി​യ​തെ​ന്ന് നാ​ട്ടു​കാ​ർ പ​റ​യു​ന്നു. പ​ഞ്ചാ​യ​ത്തി​ന്‍റെ അ​നു​മ​തി​യും ല​ഭി​ച്ചി​ട്ടി​ല്ല.
ര​ഹ​സ്യ​മാ​യി സം​ഭ​ര​ണ​ശാ​ല സ്ഥാ​പി​ക്കാ​നു​ള്ള നീ​ക്കം നാ​ട്ടു​കാ​ർ അ​റി​ഞ്ഞ​തോ​ടെ​യാ​ണ് സ​മ​ര​വു​മാ​യി രം​ഗ​ത്തെ​ത്തി​യ​ത്. ക​ഴി​ഞ്ഞ ഒ​ന്ന​ര മാ​സ​ത്തോ​ള​മാ​യി ശാ​ല​യ്ക്കെ​തി​രേ നാ​ട്ടു​കാ​ർ സ​മ​രം ചെ​യ്തു​വ​രു​ക​യാ​ണ്.
ക​ഴി​ഞ്ഞ ദി​വ​സം ചേ​ർ​ന്ന പ്ര​ത്യേ​ക ഗ്രാ​മ​സ​ഭാ യോ​ഗ​വും ഇ​തി​നെ​തി​രേ​യു​ള്ള നി​ല​പാ​ടാ​ണ് സ്വീ​ക​രി​ച്ച​ത്. സം​ഭ​ര​ണ​ശാ​ല സ്ഥാ​പി​ക്കാ​നൊ​രു​ങ്ങു​ന്ന സ്ഥ​ല​ത്തി​ന്‍റെ മൂ​ന്നു കി​ലോ​മീ​റ്റ​ർ ചു​റ്റ​ള​വി​ൽ പെ​ട്രോ​ൾ പ​ന്പ്, റെ​യി​ൽ​വേ സ്റ്റേ​ഷ​ൻ തു​ട​ങ്ങി​യ കാ​ര്യ​ങ്ങ​ളെ​ല്ലാം മ​റ​ച്ചു​വ​ച്ചു​കൊ​ണ്ടാ​ണ് അ​പേ​ക്ഷ സ​മ​ർ​പ്പി​ച്ച​തെ​ന്ന് നാ​ട്ടു​കാ​ർ ആ​രോ​പി​ക്കു​ന്നു.
ജ​ന​വാ​സ മേ​ഖ​ല​യി​ൽ നി​ന്നു മാ​റ്റി മ​റ്റെ​വി​ടെ​യെ​ങ്കി​ലും സ്ഥാ​പി​ക്ക​ണ​മെ​ന്നു​ള്ള​താ​ണ് നാ​ട്ടു​കാ​രു​ടെ ആ​വ​ശ്യം. എ​റ​ണാ​കു​ള​ത്തു​ള്ള ഒ​രു വ്യാ​പാ​ര സ്ഥാ​പ​ന​മാ​ണ് സം​ഭ​ര​ണ​ശാ​ല​യ്ക്കു വേ​ണ്ടി​യു​ള്ള അ​നു​മ​തി തേ​ടി​യ​ത്.