മൂവാറ്റുപുഴ: ജനറൽ ആശുപത്രിയിലെ നിർധനരായ കാൻസർ രോഗികൾക്ക് വാഴക്കുളം വിശ്വജ്യോതി എൻജിനിയറിംഗ് കോളജ് വിദ്യാർഥികൾ ജീവൻരക്ഷാ മരുന്നുകൾ വിതരണം ചെയ്തു. കോളജിലെ മെക്കാനിക്കൽ വിഭാഗം സോഷ്യൽ സർവീസ് ക്ലബിന്റെ നേതൃത്വത്തിലാണ് മരുന്നുകളും ബെഡ് ഷീറ്റുകളും വിതരണം ചെയ്തത്. മെക്കാനിക്കൽ വിഭാഗം എച്ച്ഒഡി കെ.വിനോജ്, കോ-ഓർഡിനേറ്റർമാരായ സി.മനു ജോയ്. എം.സാജു, എഡ്വിൻ സിറിൽ, രാഹുൽ ജോസ് എന്നിവർ നേതൃത്വം നൽകി. സാമൂഹിക പ്രതിബദ്ധതയോടെ നിരവധി കാരുണ്യ പ്രവർത്തനങ്ങൾ ക്ലബിന്റെ നേതൃത്വത്തിൽ നടത്തുന്നുണ്ട്.