ആറാട്ടുപുഴ: ആറാട്ടുപുഴ ക്ഷേത്ര ഉപദേശക സമിതി ആറാട്ടുപുഴ പൂരം എട്ടര കോടി രൂപക്ക് ഇൻഷുർ ചെയ്തു. ന്യൂ ഇന്ത്യാ അഷ്വറൻസ് കന്പനിയുടെ ആലുവയിലുള്ള ഡിവിഷനിൽ ഓഫീസിൽ നിന്നാണ് പൂരം ഇൻഷ്വർ ചെയ്യുന്നതിനുള്ള നടപടി ക്രമങ്ങൾ പൂർത്തികരിച്ചത്. ഏപ്രിൽ ഒന്ന് മുതൽ 10വരെയുള്ള ദിവസങ്ങളിൽ 25 കിലോമിറ്റർ ചുറ്റളവിനുളളിൽ പൂരവുമായി ബന്ധപ്പെട്ട സംഭവങ്ങൾക്കാണ് ഇൻഷൂറൻസ് പരിരക്ഷ ലഭിക്കുക. പേഴ്സണൽ ആക്സിഡന്റ് ഇൻഷൂറൻസ് 6 കോടി രൂപക്കും പബ്ളിക് ലയബിലിറ്റി ഇൻഷൂറൻസ് 2 കോടി രൂപക്കും പ്രോപ്പർട്ടി ഇൻഷൂറൻസ് 25 ലക്ഷം രൂപക്കും ആന ചമയം ഇൻഷൂറൻസ് 25 ലക്ഷം രൂപക്കുമാണ് ചെയ്തിട്ടുള്ളത്.