കാഞ്ഞൂര്‍: വിദ്യാലയത്തിന്‍റെ വജ്രജൂബിലി ആഘോഷങ്ങള്‍ക്കു കാരുണ്യത്തിന്‍റെ പുണ്യം പകര്‍ന്നു കാഞ്ഞൂര്‍ സെന്‍റ് ജോസഫ്സ് കോണ്‍വെന്‍റ് ഗേള്‍സ് ഹൈസ്കൂളിലെ വിദ്യാര്‍ഥിനികളും അധ്യാപകരും. വിദ്യാര്‍ഥിനികളുടെ കൂട്ടായ്മയില്‍ സഹപാഠികളായ സഹോദരിമാർക്കു യാഥാർഥ്യമായത് വീടെന്ന സ്വപ്നം. സ്കൂളിലെ പത്ത്, എട്ട്, ആറ് ക്ലാസുകളിലെ വിദ്യാര്‍ഥിനികളും സഹോദരിമാരുമായ ആന്‍സി, അലിഷ, ആന്‍മേരി എന്നിവര്‍ക്കാണു സഹപാഠികളും അധ്യാപകരും ചേര്‍ന്നു വീടൊരുക്കിയത്.
പിതാവ് ടോമിയുടെ രോഗവും ദാരിദ്ര്യവും തളര്‍ത്തിയ ഇവരുടെ കുടുംബം മഞ്ഞപ്പെട്ടിയില്‍ വാടകവീട്ടിലാണു താമസിച്ചിരുന്നത്. കുടുംബത്തിന്‍റെ സ്ഥിതിയറിഞ്ഞ പ്രധാനാധ്യാപിക സിസ്റ്റര്‍ ആന്‍സിനിയും അധ്യാപകരും വിദ്യാര്‍ഥികളുടെ സഹകരണത്തോടെ വീടു നിര്‍മിച്ചു നല്‍കാന്‍ തീരുമാനിക്കുകയായിരുന്നു. പ്രസിഡന്‍റ് സാജു കല്ലറയ്ക്കലിന്‍റെ നേതൃത്വത്തില്‍ പിടിഎയും ഏതാനും സുമനസുകളും സംരംഭവുമായി കൈകോര്‍ത്തതോടെ ആറു മാസം കൊണ്ടു മനോഹരമായ വീട് യാഥാർഥ്യമായി. ശ്രീമൂലനഗരത്തു നിര്‍മിച്ചു നല്‍കിയ വീടിന്‍റെ ആശീര്‍വാദം രാജഗിരി പള്ളി വികാരി ഫാ. ദേവസി മാണിക്കത്താന്‍ നിര്‍വഹിച്ചു.
പിതാവ് ടോമിയുടെ രോഗവും ദാരിദ്ര്യവും തളര്‍ത്തിയ ഇവരുടെ കുടുംബം മഞ്ഞപ്പെട്ടിയില്‍ വാടകവീട്ടിലാണു താമസിച്ചിരുന്നത്. കുടുംബത്തിന്‍റെ സ്ഥിതിയറിഞ്ഞ പ്രധാനാധ്യാപിക സിസ്റ്റര്‍ ആന്‍സിനിയും അധ്യാപകരും വിദ്യാര്‍ഥികളുടെ സഹകരണത്തോടെ വീടു നിര്‍മിച്ചു നല്‍കാന്‍ തീരുമാനിക്കുകയായിരുന്നു. പ്രസിഡന്‍റ് സാജു കല്ലറയ്ക്കലിന്‍റെ നേതൃത്വത്തില്‍ പിടിഎയും ഏതാനും സുമനസുകളും സംരംഭവുമായി കൈകോര്‍ത്തതോടെ ആറു മാസം കൊണ്ടു മനോഹരമായ വീട് യാഥാർഥ്യമായി. ശ്രീമൂലനഗരത്തു നിര്‍മിച്ചു നല്‍കിയ വീടിന്‍റെ ആശീര്‍വാദം രാജഗിരി പള്ളി വികാരി ഫാ. ദേവസി മാണിക്കത്താന്‍ നിര്‍വഹിച്ചു.
