കൊച്ചി: തൊഴിലാളികളെയും ചെറുകിട മോട്ടോർ വാഹന ഉടമകളെയും പ്രതികൂലമായി ബാധിക്കുന്ന ഇൻഷ്വറൻസ് പ്രീമിയം നിരക്ക് വർധനയും മോട്ടോർ വാഹന നിയമഭേദഗതിയും പിൻവലിക്കണമെന്നാവശ്യപ്പെട്ട് നാളെ നടത്തുന്ന പണിമുടക്ക് വിജയിപ്പിക്കണമെന്ന് മോട്ടോർ വാഹന തൊഴിലാളി യൂണിയനുകളുടെ സംയുക്ത കൂട്ടായ്മയായ കേരള സ്റ്റേറ്റ് മോട്ടോർ ട്രാൻസ്പോർട്ട് വർക്കേഴ്സ് കോ ഓർഡിനേഷൻ എറണാകുളം ജില്ല കമ്മിറ്റി ഭാരവാഹികൾ പത്രസമ്മേളനത്തിൽ ആവശ്യപ്പെട്ടു.
അടിക്കടി ഉണ്ടാകുന്ന പ്രീമിയം നിരക്ക് വർധനയ്ക്കു പുറമെ, ഇന്ധന വിലയിലും എക്സൈസ് തീരുവയിലും മറ്റ് നടത്തിപ്പ് ചെലവുകളിലും ഉണ്ടാകുന്ന വർധന ഗതാഗതമേഖലയിലെ തൊഴിലാളികൾക്കും ജനങ്ങൾക്കാകെയും വലിയ ആഘാതമാണുണ്ടാക്കുന്നതെന്ന് അവർ പറഞ്ഞു. കെ.എ. അലി അക്ബർ, മനോജ് പെരുന്പിള്ളി, ടി.ബി. മിനി, ജബ്ബാർ പുന്നക്കാടൻ എന്നിവർ പത്രസമ്മേളനത്തിൽ പങ്കെടുത്തു.
അടിക്കടി ഉണ്ടാകുന്ന പ്രീമിയം നിരക്ക് വർധനയ്ക്കു പുറമെ, ഇന്ധന വിലയിലും എക്സൈസ് തീരുവയിലും മറ്റ് നടത്തിപ്പ് ചെലവുകളിലും ഉണ്ടാകുന്ന വർധന ഗതാഗതമേഖലയിലെ തൊഴിലാളികൾക്കും ജനങ്ങൾക്കാകെയും വലിയ ആഘാതമാണുണ്ടാക്കുന്നതെന്ന് അവർ പറഞ്ഞു. കെ.എ. അലി അക്ബർ, മനോജ് പെരുന്പിള്ളി, ടി.ബി. മിനി, ജബ്ബാർ പുന്നക്കാടൻ എന്നിവർ പത്രസമ്മേളനത്തിൽ പങ്കെടുത്തു.
