നിലന്പൂർ: ജനാധിപത്യ മഹിളാ അസോസിയേഷൻ ഏരിയ കമ്മറ്റിയുടെ നേതൃത്വത്തിൽ കെഎസ്ആർടിസി നിലന്പൂർ ഡിപ്പോ എടിഒയെ ഉപരോധിച്ചു. ഡിപ്പോക്കു കീഴിൽ ജോലിചെയ്യുന്ന രണ്ട് വനിതാ കണ്ടക്ടർമാർക്ക് മാനുഷിക പരിഗണനയുമില്ലാതെ ദീർഘ ദൂര സർവീസിൽ ഡ്യൂട്ടി നൽകിയതിൽ പ്രതിഷേധിച്ചാണ് ഉപരോധം. നിലവിൽ കോഴിക്കോട് -വഴിക്കടവ് സർവീസിൽ കണ്ടക്ടർമാരായ ഇവരെ തിരുവനന്തപുരം -കട്ടപ്പന സർവീസിലേക്കാണ് മാറ്റിയിട്ടുള്ളത്.
കോഴിക്കോട് വഴിക്കടവ് സർവീസിൽ ഒഴിവുണ്ടായിട്ടും ഇവരെ ഇവിടെനിന്നും ദീർഘദൂര സർവീസിലേക്ക് മാറ്റിയ നടപടി പിൻവലിക്കണം എന്നാവശ്യപ്പെട്ടായിരുന്നു ഉപരോധം. ഉടൻ തീരുമാനം അറിയിക്കാമെന്ന എടിഒയുടെ ഉറപ്പിലാണ് ഉപരോധം പിൻവലിച്ചത്. ജനാധിപത്യ മഹിളാ അസോസിയേഷൻ ഏരിയ സെക്രട്ടറി അരുമ ജയകൃഷ്ണൻ, കെ.ശ്രീലത, സുനന്ദ ഹരിദാസ്, ഷൈല, നിഷ തുടങ്ങിയവർ പ്രസംഗിച്ചു.
കോഴിക്കോട് വഴിക്കടവ് സർവീസിൽ ഒഴിവുണ്ടായിട്ടും ഇവരെ ഇവിടെനിന്നും ദീർഘദൂര സർവീസിലേക്ക് മാറ്റിയ നടപടി പിൻവലിക്കണം എന്നാവശ്യപ്പെട്ടായിരുന്നു ഉപരോധം. ഉടൻ തീരുമാനം അറിയിക്കാമെന്ന എടിഒയുടെ ഉറപ്പിലാണ് ഉപരോധം പിൻവലിച്ചത്. ജനാധിപത്യ മഹിളാ അസോസിയേഷൻ ഏരിയ സെക്രട്ടറി അരുമ ജയകൃഷ്ണൻ, കെ.ശ്രീലത, സുനന്ദ ഹരിദാസ്, ഷൈല, നിഷ തുടങ്ങിയവർ പ്രസംഗിച്ചു.