ചെ​ള്ളു​പ​നി​ക്കെ​തി​രേ ജാ​ഗ്ര​ത​വേ​ണം: ആ​രോ​ഗ്യ​വ​കു​പ്പ്

നി​ല​ന്പൂ​ർ: മ​ല​യോ​ര​ത്ത് ചെ​ള്ളു​പ​നി​യെ തു​ട​ർ​ന്നു വീ​ട്ട​മ്മ മ​രി​ച്ച സാ​ഹ​ച​ര്യ​ത്തി​ൽ ചെ​ള്ളു​പ​നി​ക്കെ​തി​രെ മു​ന്ന​റി​യി​പ്പു​മാ​യി ആ​രോ​ഗ്യ​വ​കു​പ്പ് രം​ഗ​ത്ത്. മൈ​ലാ​ടി​യി​ലെ ല​ക്ഷ്മി​യാ​ണ് ചെ​ള്ളു​പ്പനി (സ്ക്ര​ബ് ടൈ​ഫ​സ്) ബാ​ധി​ച്ച് മ​രി​ച്ച​ത്. പ​ല​പ്പോ​ഴും എ​ലി​പ്പ​നി, ഡെ​ങ്കി​പ്പ​നി എ​ന്നി​വ​യോ​ടു സാ​മ്യ​മു​ള്ള​തി​നാ​ൽ രോ​ഗ നി​ർ​ണ​യ​ത്തി​നു ബു​ദ്ധി​മു​ട്ടു​ണ്ടാ​കി​നി​ട​യാ​കു​ന്നു. പ്ര​ദേ​ശ​ത്തെ രോ​ഗ സാ​ധ്യ​ത, തൊ​ലി​പു​റ​ത്തെ ല​ക്ഷ​ണ​ങ്ങ​ൾ, ര​ക്ത പ​രി​ശോ​ധ​ന ഫ​ലം തു​ട​ങ്ങി​യ​വ രോ​ഗ​നി​ർ​ണ​യ​ത്തി​നു സ​ഹാ​യ​ക​മാ​ണ്. വീ​ൽ​ഫെ​ലി​ക്സ് ടെ​സ്റ്റാ​ണ് ഈ ​രോ​ഗ​ത്തി​നു​ള്ള ലാ​ബ് പ​രി​ശോ​ധ​ന. എ​ലൈ​സ ട്സെ​റ്റി​ലൂ​ടെ​യും രോ​ഗ​നി​ർ​ണ​യം ന​ട​ത്താം.
ചെ​ള്ളു​പ​നി​ക്ക് ആ​ന്‍റി​ബ​യോ​ട്ടി​ക് മ​രു​ന്നു​ക​ളി​ലൂ​ടെ ത​ന്നെ ഫ​ല​പ്ര​ദ​മാ​യി ചി​കി​ത്സിക്കാം. രോ​ഗ​ത്തെ സം​ബ​ന്ധി​ച്ച് ആ​ശ​ങ്ക​പ്പെടേ​ണ്ടെ​ന്ന് ചാ​ലി​യാ​ർ പി​എ​ച്ച്സി മെ​ഡി​ക്ക​ൽ ഓ​ഫീ​സ​ർ ഡോ. ​ടി​എ​ൻ അ​നൂ​പ് അ​റി​യി​ച്ചു. വ​നാ​തി​ർ​ത്തി​ക​ളോ​ടു ചേ​ർ​ന്നു തൊ​ഴി​ൽ എ​ട​ക്കു​ന്ന​വ​ർ പ​നി​യു​ടെ ല​ക്ഷ​ണം ക​ണ്ടാ​ൽ ഉ​ട​ൻ ചി​കി​ത്സ തേ​ടേ​ണ്ട​താ​ണ്. എ​ലി, മു​യ​ൽ, അ​ണ്ണാ​ൻ എ​ന്നി​വ​യി​ലെ ചെ​ള്ളു​ക​ളാ​ണ് രോ​ഗം പ​ര​ത്തു​ന്ന​ത്. ബാ​ക്ടീ​രി​യ​യി​ലൂ​ടെ​യാ​ണ് രോ​ഗാ​ണു​ക്ക​ൾ ശ​രീ​ര​ത്തി​ലേ​ക്ക് പ്ര​വേ​ശി​ക്കു​ന്ന​ത്.
വീ​ടി​നു പ​രി​സ​ര​ങ്ങ​ളി​ലെ കു​റ്റി​ക്കാ​ടു​ക​ൾ വെ​ട്ടി വൃ​ത്തി​യാ​ക്കു​ക​യും കീ​ട​നാ​ശി​നി​ക​ൾ ത​ളി​ച്ച് നി​യ​ന്ത്ര​ണ വി​ധേ​യ​മാ​ക്കു​ക​യും ചെ​യ്യാം.