മൂവാറ്റുപുഴ: ആയവന പഞ്ചായത്ത് 13-ാം വാർഡിലെ ഏനാനല്ലൂർ-കാരമേൽ റോഡ് ദേശീയ ഗ്രാമീണ തൊഴിലുറപ്പ് പദ്ധതിയുമായി ബന്ധപ്പെടുത്തി കോണ്ക്രീറ്റിംഗ് നടത്തി ഗതാഗത യോഗ്യമാക്കി. മൂന്നു ലക്ഷം രൂപയാണ് റോഡിന്റെ നിർമാണത്തിനായി ചെലവഴിച്ചത്. ബ്ലോക്ക് പഞ്ചായത്തംഗം സുഭാഷ് കടയ്ക്കോട്ട് നിർമാണോദ്ഘാടനം നിർവഹിച്ചു. യോഗത്തിൽ ബ്ലോക്ക് പഞ്ചായത്ത് സ്ഥിരംസമിതി അധ്യക്ഷ ജാൻസി ജോർജ് അധ്യക്ഷത വഹിച്ചു. വാർഡംഗം ഗ്രേസി സണ്ണി, ജോസ് പൊട്ടംപുഴ, സണ്ണി പൊട്ടംപുഴ എന്നിവർ പ്രസംഗിച്ചു.
