നെടുങ്കണ്ടം: നാളെ സംയുക്ത ട്രേഡ് യൂണിയന്റെ നേതൃത്വത്തില് പ്രഖ്യാപിച്ചിരിക്കുന്ന വാഹന പണിമുടക്ക് വിജയിപ്പിക്കണമെന്ന് ഭാരവാഹികള് പത്രസമ്മേളനത്തില് അഭ്യര്ഥിച്ചു. പണിമുടക്കില് ഇരുചക്രവാഹനങ്ങള് അടക്കമുള്ളവ പങ്കെടുത്ത് വിജയിപ്പിക്കണമെന്നും കരുണാപുരം, പാമ്പാടുംപാറ, നെടുങ്കണ്ടം, ഉടുമ്പന്ചോല പഞ്ചായത്തുകളില് പണിമുടക്ക് വിജയിപ്പിക്കുന്നതിന് ആവശ്യമായ ക്രമീകരണങ്ങള് പൂര്ത്തിയായതായും സംയുക്ത ട്രേഡ് യൂണിയന് ഭാരവാഹികളായ ടി.വി ശശി, എം.എന് ഗോപി, വിന്സെന്റ് ചെമ്പുളായില്, വി.ജി. ചന്ദ്രന്, വര്ഗീസ് കോയിക്കല് എന്നിവര് പറഞ്ഞു.